Dasara 2026: సూపర్ స్టార్ వర్సెస్ మెగాస్టార్?

ఈ దసరా పండక్కి (Dasara 2026) రెండు పెద్ద సినిమాలు పోటీ పడేలా ఉన్నాయి. ఒక పెద్ద సినిమాకి అధికారికంగా డేట్ ప్రకటించారు. మరో సినిమాకి డేట్ లీక్ ఇచ్చారు. మొత్తంగా సూపర్ స్టార్ వర్సెస్ మెగాస్టార్ పోటీ ఉండేలా ఉంది ఈ దసరాకి.

సూపర్ స్టార్ రజినీకాంత్ నటించిన “జైలర్ 2” (Jailer 2) సినిమా దసరా కానుకగా అక్టోబర్ 15న విడుదల కానుంది. తాజాగా ఒక వీడియో ద్వారా ఈ సినిమా డేట్ ని ప్రకటించారు. జైలర్ సినిమా సంచలనం సృష్టించింది. తమిళంలో, తెలుగులో ఘన విజయం సాధించింది. దానికి సీక్వెల్ గా వస్తోన్న జైలర్ 2పై భారీ అంచనాలు ఉన్నాయి.

నిజానికి ఈ సినిమాని మొదట ఏప్రిల్ లో విడుదల చేయాలనుకున్నారు. ఆ తర్వాత జూన్ లో వస్తుంది అని డేట్ ప్రకటించారు. అది మిస్ అయింది. ఫైనల్ గా అక్టోబర్ 15 అని డేట్ ప్రకటించారు.

ఇక మెగాస్టార్ చిరంజీవి నటించిన “విశ్వంభర” (Vishwambhara) కూడా అక్టోబర్ 16న వచ్చేలా ఉంది. అధికారికంగా డేట్ ఇవ్వలేదు. కానీ టీం మీడియాకి అలా సమాచారం ఇచ్చింది. ఈ సినిమా కూడా అనేకసార్లు వాయిదా పడింది. గతేడాది విడుదల కావాల్సిన ఈ సినిమా వీఎఫ్ఎక్స్ పనుల కారణంగా వాయిదాపడి ఇప్పుడు దసరా పండగని టార్గెట్ చేస్తోంది. ఇప్పటికే జనం ఈ సినిమా గురించి మర్చిపోయారు. ఇంకా ఆలస్యం చేస్తే అస్సలుకే మోసం వస్తుంది.