Nabha Natesh: ఒకటి ఇప్పుడు, ఇంకోటి ఎప్పుడు?

హీరోయిన్ నభా నటేష్ (Nabha Natesh) తెగ హడావిడి చేస్తోంది. సినిమాకి ఎంత ప్రచారం చెయ్యాలన్నా చేస్తాను అన్నట్లు “నాగబంధం” (Nagabandham) సినిమా గురించి హంగామా చేస్తోంది. అన్ని ఈవెంట్స్ కి అటెండ్ అవుతూ పబ్లసిటీ కలిపిస్తోంది. ఆమెకి ఈ సినిమా కీలకం.

నభా ఈ సినిమాలో పార్వతి అనే పాత్ర చేసింది. వేద విద్యార్ధినిగా కనిపిస్తుంది. గ్లామర్ పాత్ర కాదు. నటనకు స్కోప్ ఉన్న రోల్. అందుకే ఈ సినిమా విషయంలో చాలా హడావిడి చేస్తోంది. ఈ శుక్రవారం (జులై 3) విడుదల అవుతోంది నాగబంధం. ఈ సినిమాని ఆమె రెండేళ్ల క్రితం ఒప్పుకొంది. ఇప్పటికీ విడుదల అవుతోంది.

ఈ సినిమా కన్నా ముందే “స్వయంభు” (Swayambhu) అనే మరో సినిమా ఒప్పుకొంది. అది కూడా పీరియడ్ చిత్రం. రాజుల కాలం నాటి కథ. కానీ ఈ సినిమా విడుదల విషయంలో గతేడాది నుంచి వాయిదాల మీద వాయిదా పడుతోంది. ఇది ఎప్పుడు వస్తుందో మరి.

ఇస్మార్ట్ శంకర్ తర్వాత ఈ భామ చాలా సినిమాలు చేసింది. ఒక్కటీ ఆ సినిమాలా భారీ విజయం సాధించలేదు.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.