​సినిమాలకు రెండేళ్లు బ్రేక్!

కియరా అద్వానీ తల్లి కాబోతోంది. ఆమె ఇప్పుడు గర్భవతి. ఆమె, ఆమె భర్త సిద్ధార్థ్ మల్హోత్రా ఇటీవలే సోషల్ మీడియా ద్వారా ఈ గుడ్ న్యూస్ ని షేర్ చేసుకున్నారు. రెండేళ్ల క్రితం పెళ్లి చేసుకున్న ఈ జంట ఇప్పుడు తల్లితండ్రులు కాబోతున్నారు.

కియరా అద్వానీ చేతిలో చాలా సినిమాలు ఉన్నాయి. ఐతే, ఇప్పటికే సగం షూటింగ్ పూర్తి చేసుకున్న చిత్రాలు, దాదాపు షూటింగ్ పూర్తి అయిన సినిమాలు మినహాయిస్తే మిగతా సినిమాల నుంచి తప్పుకొంది. త్వరలోనే మొదలు కావాల్సిన “డాన్ 3” సినిమాని వదులుకొంది. ఆమె స్థానంలో మరో హీరోయిన్ ని తీసుకోనున్నారు.

తెలుగులో ఒకటి, తమిళంలో ఒకటి కమిట్ కి రెడీ అయింది. కానీ ఇప్పుడు ఆ ఆలోచన లేదు. మరో రెండేళ్లు అంతే. బాబో, పాప పుట్టిన ఏడాది వరకు సినిమాలకు దూరంగానే ఉంటుందట. ఆ తర్వాత రీఎంట్రీ ఉంటుంది అని ఆమె టీం చెప్తోంది.

కియారా భర్త బాలీవుడ్ లో హీరోగా కొంత గుర్తింపు తెచ్చుకున్నారు. కానీ ఆమె భర్త కన్నా కియరానే నటిగా పాపులర్.