ఇక తమ్ముడు ప్రచారం మొదలు!

నితిన్ హీరోగా రూపొందుతోన్న “తమ్ముడు” మళ్ళీ ప్రచారం ఊపందుకోనుంది. జులై నాలుగో తేదీన విడుదల చెయ్యాలని ఫిక్స్ అయ్యారు. దాంతో, టీం తాజాగా ఒక వీడియో విడుదల చేసింది. హీరోయిన్లతో షూట్ చేసిన ఈ వీడియోతో ప్రచారం తిరిగి స్టార్ట్ అయింది.

వేణు శ్రీరామ్ దర్శకత్వంలో రూపొందుతోంది… తమ్ముడు. ఈ సినిమాని నిజానికి ఈ ఏడాది మార్చిలో విడుదల చేద్దామనుకున్నారు. కానీ నితిన్ మరో చిత్రం “రాబిన్ హుడ్” డిసెంబర్ నుంచి మార్చికి వాయిదాపడింది. దాంతో అనివార్యంగా “తమ్ముడు” రిలీజ్ కూడా వాయిదా పడింది.ఇక ఇప్పుడు విడుదలకు సిద్ధమైంది.

ఈ సినిమాలో నితిన్ సరసన ‘కాంతార’ ఫేమ్ సప్తమి నటిస్తోంది. వర్ష బొల్లమ్మ కూడా మరో హీరోయిన్ గా నటిస్తోంది. లయ నితిన్ కి అక్కగా నటిస్తోంది. కథ మొత్తం నితిన్, లయ చుట్టే తిరుగుతుంది.

పవన్ కళ్యాణ్ అభిమాని అయిన నితిన్ తన హీరో టైటిల్ “తమ్ముడు”ని వాడుకుంటున్నాడు.