Raghava Lawrence: రాజకీయాలకు ఎస్, ఉప ఎన్నికకు నో

హీరో, దర్శకుడు, డ్యాన్స్ కొరియోగ్రాఫర్ ఇలా అనేక విధాలుగా పాపులర్ రాఘవ లారెన్స్ (Raghava Lawrence). “ముని”, కాంచన సినిమాల సిరీస్ తో హీరోగా బాగా సక్సెస్ అయ్యాడు లారెన్స్. ఇటీవల రాజకీయాలోకి అడుగుపెడతాను అన్నట్లుగా మాట్లాడాడు. కానీ ఈ రోజు (జూన్ 30) మాత్రం వేరే విధంగా మాట్లాడాడు.

తాను రాజకీయాల్లోకి రావాలా వద్ద అనేది ప్రజలే నిర్ణయిస్తారు అని ఇంతకుముందు చెప్పాడు. తాజాగా ఒక వీడియో విడుదల చేశాడు.

తమిళ హీరో విజయ్ మొన్నటి అసెంబ్లీ ఎన్నికల్లో రెండు చోట్లా పోటీ చేసి విజయం సాధించారు. అందులో Trichy East నియోజకవర్గాన్ని విజయ్ వదులుకున్నారు. “ఆ స్థానం నుంచి తాను పోటీ చెయ్యాలని చాలా మంది భావించినా, అన్ని ఆలోచించిన తర్వాత నేను విజయ్ స్థానంలో నిలబడడం కరెక్ట్ కాదు అని నిర్ణయించుకున్నాను ,”అని లారెన్స్ ఈ వీడియోలో తెలిపాడు.

ఐతే రాజకీయాల్లోకి అడుగుపెడుతాడంట. ఆ ఆప్సన్ ని ఇంకా ఓపెన్ గా ఉంచుకున్నాడు. తన భవిష్యత్ ని కాలమే నిర్ణయిస్తుంది అని చెప్పాడు. మొత్తంగా ఈ వీడియో సారాంశం ఏంటంటే త్వరలో జరిగే ఉప ఎన్నికల్లో తాను నిలబడదలచుకోలేదు. భవిష్యత్ లో పొలిటికల్ ఎంట్రీ ఉండేలా ప్లాన్ మాత్రం చేసుకుంటున్నాడు.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.