‘డియర్ కామ్రేడ్’ రీమేక్ చెయ్యట్లేదు

విడుదలకు ముందు ‘డియర్ కామ్రేడ్’ సినిమాపై భారీ అంచనాలు ఉండేవి. కానీ విజయ్ దేవరకొండ, రష్మిక మందాన కాంబినేషన్లో వచ్చిన ఈ సినిమా అంచనాలు అందుకోలేకపోయింది. సినిమా ఫ్లాప్ అయింది. ఐతే, ఈ సినిమాని ఇష్టపడేవాళ్లు చాలామంది ఉన్నారు. అందులోని పాటలు ఇప్పటికీ పాపులర్.

అందుకే, బాలీవుడ్ నిర్మాత కరణ్ జోహార్ ఈ సినిమాని హిందీలో రీమేక్ చెయ్యాలని ప్రయత్నం చేస్తున్నారు. బాలీవుడ్ యువ హీరో సిద్ధాంత్ చతుర్వేది హీరోగా ఈ సినిమా హిందీలో రూపొందనుంది అని వార్తలు వచ్చాయి.

ఐతే, ఈ కుర్ర హీరో తన ఇన్ స్టాగ్రామ్ ద్వారా ఈ వార్తలపై స్పందించాడు. “నేను ఇకపై రీమేక్ సినిమాలు చెయ్యాలని అనుకోవడం లేదు. ఈ సినిమా నాకు ఇష్టమే. అందులో నటించిన హీరో, హీరోయిన్ కూడా ఇష్టమే. కానీ ఆ మూవీ రీమేక్ చెయ్యడం లేదు,” అనే అర్థంలో క్లారిటీ ఇచ్చాడు.

మరి “డియర్ కామ్రేడ్” హిందీ రీమేక్ లో ఏ బాలీవుడ్ హీరోని కరణ్ జోహార్ ఒప్పిస్తాడో చూడాలి.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.