విష్ణు… ట్రోలింగ్ నుంచే సక్సెస్

మంచు విష్ణు ఎదుర్కొన్న ట్రోలింగ్ మరో హీరో ఎదుర్కోలేదు. నిజానికి ఆయన మాటలు, చేష్టలు, ఆయన చేసిన సినిమాలే అలా ట్రోలింగ్ కి ఆస్కారం ఇచ్చాయి. దాంతో, కన్నప్ప విషయంలో చాలా జాగ్రత్తలు తీసుకున్నాడు. ఈ సినిమాకి కూడా చాలా ట్రోలింగ్ జరుగుతుంది అని అందరూ ఊహించారు.

“కన్నప్ప”కి గొప్ప రివ్యూలు ఏమి రాలేదు కానీ ట్రోలింగ్ ఎక్కువ జరగలేదు. అదే పెద్ద సర్ప్రైజ్. దానికి తోడు, ఈ సినిమా మంచి ఓపెనింగ్ సాధించింది. మొదటి రోజే ఢమాల్ అంటుంది అని చాలా మంది ఊహించారు. కానీ అందరి అంచనాలను తలకిందులు చేస్తూ స్ట్రాంగ్ కలెక్షన్లు పొందింది.

ఐతే, ఈ సినిమా ఇదే ఊపుని ఈ వీకెండ్ మొత్తం కంటిన్యూ చేస్తుందా అనేది చూడాలి.

ట్రోలింగ్ నుంచి బయటపడడమే విష్ణుకి బిగ్గెస్ట్ సక్సెస్. ఐతే, “కన్నప్ప”ని మొదటి రోజే ఇండస్ట్రీ హిట్ అంటూ పోస్టర్ వదలడం సరైంది కాదు. 10 కోట్ల ఓపెనింగ్ కే ఇండస్ట్రీ అంటే ఎలా?