Categories: Telugu Newsన్యూస్

ఈ వీకెండ్ సినిమాలివే!

ఈ వీకెండ్ 5 స్ట్రయిట్ సినిమాలు థియేటర్లలోకి వస్తున్నాయి. వాటిలో ఇంట్రెస్ట్ క్రియేట్ చేస్తున్న మూవీ మాత్రం ఒక్కటే. అదే ఫిదా. శేఖర్ కమ్ముల దర్శకత్వంలో వరుణ్ తేజ్ హీరోగా నటించిన ఈ సినిమా రేపు థియేటర్లలోకి వస్తోంది. దిల్ రాజు నిర్మించిన ఈ సినిమాపై ఆడియన్స్ లో ఓ మోస్తరు అంచనాలున్నాయి. విడుదలైన 2 ట్రయిలర్స్ హిట్ అవ్వడంతో పాటు హీరోయిన్ సాయి పల్లవికి క్రేజ్ పెరగడంతో సినిమాపై అందరి చూపు పడింది.

రేపు రిలీజ్ అవుతున్న సినిమాల్లో వైశాఖం కూడా ఉంది. పీఆర్వో బీఏ రాజు భార్య బి.జయ ఈ సినిమాకు దర్శకురాలు. హరీష్, అవంతిక హీరోహీరోయిన్లుగా పరిచయమవుతున్నారు. నాగార్జున, మహేష్, నాని లాంటి స్టార్లు ఈ సినిమాకు ప్రచారం కల్పించారు.

ఈ రెండు సినిమాలతో పాటు దండుపాళ్యం-2, టీమ్-5, మాయామాల్ అనే మరో 3 సినిమాలు కూడా వస్తున్నాయి. కన్నడంలో సూపర్ హిట్ అయిన దండుపాళ్యంకు రీమేక్ గా పార్ట్-2 వస్తోంది. క్రికెటర్ శ్రీశాంత్ హీరోగా టీమ్-5 వస్తోంది. ఇక హారర్ కాన్సెప్ట్ తో ముస్తాబైంది మాయామాల్. వీటిలో ఈ వీకెండ్ ఏది క్లిక్ అవుతుందో చూడాలి.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.