అనుదీప్ ను నెట్టేసిన పోలీసులు

అసలే పవన్ కల్యాణ్ సినిమా. లాంగ్ గ్యాప్ తర్వాత వస్తున్న మూవీ. పవనిజం అంటూ ఊగిపోతున్న జనం. కంట్రోల్ చేయలేక చెమట్లు కక్కుతున్న పోలీసులు. అలాంటి టైమ్ లో కూల్ గా సీన్ లోకి ఎంటరయ్యాడు దర్శకుడు అనుదీప్ కెవి. మనల్ని ఎవడ్రా ఆపేది అంటూ నడుచుకుంటూ దాదాపు స్టేజ్ వరకు వచ్చేశాడు.

సరిగ్గా స్టేజ్ దగ్గరకు వచ్చేసరికి ఊహించని పరిణామం. అనుదీప్ ను పోలీసులు అడ్డుకున్నారు. ఒక పోలీస్ అయితే ఏకంగా అనుదీప్ పై చేయి వేసి, వెనక్కు నెట్టాడు. అప్పటివరకు కూల్ గా నడుచుకుంటూ వచ్చిన అనుదీప్ ఒక్కసారిగా షాక్ అయ్యాడు. తను ఎవరు, ఎందుకు అక్కడికి వచ్చాననే విషయాన్ని పోలీసులకు చెప్పాడు.

అప్పటికే అక్కడున్న పవన్ ఫ్యాన్స్, అనుదీప్ ఎవరనే విషయాన్ని పోలీసులకు చెప్పారు. దీంతో పోలీసులు తప్పియిందంటూ, చిన్నగా నవ్వేసి, అనుదీప్ కు దారిచ్చారు. అలా స్టేజ్ ముందుకొచ్చి, అందరికీ షేక్ హ్యాండ్ ఇచ్చి, తనకు కేటాయించిన సీట్లో కూర్చున్నాడు అనుదీప్.

దీనికి సంబంధించిన వీడియో సోషల్ మీడియాలో తెగ వైరల్ అయింది. అద్భుతమైన కామెడీ సినిమా అందించిన అందించిన అనుదీప్ పైనే సోషల్ మీడియాలో పిచ్చ కామెడీ నడిచింది. ‘హరిహర వీరమల్లు’ సినిమా ట్రయిలర్ లాంఛ్ సందర్భంగా జరిగింది ఈ ఘటన.