దేవరకొండ కూడా అదే రూట్లో!

ప్రభాస్, వెంకటేష్, వరుణ్ తేజ్, నిఖిల్ సిద్ధార్థ్… ఇలా పలువురు టాలీవుడ్ హీరోలు రెండు భాగాలు లేదా సిరీస్ లో రెండు చిత్రాల్లో నటించారు. త్వరలో బాలయ్య కూడా “అఖండ 2” చెయ్యనున్నారు. ఇప్పుడు విజయ్ దేవరకొండ కూడా ఈ లిస్ట్ లో చేరనున్నాడట.

విజయ్ దేవరకొండ త్వరలో మొదలు పెట్టనున్న ఒక కొత్త సినిమాని రెండు భాగాలుగా తీస్తారట.

‘జెర్సీ’ ఫేమ్ గౌతమ్ తిన్ననూరి దర్శకత్వంలో ఒక పీరియడ్ మూవీని అంగీకరించారు విజయ్ దేవరకొండ. ఈ సినిమా అధికారికంగా లాంచ్ అయింది షూటింగ్ కూడా కొన్ని రోజులు జరిగి ఆగింది. ఈ గ్యాప్ లో విజయ్ దేవరకొండ పరశురామ్ దర్శకత్వంలో మరో సినిమా మొదలుపెట్టి ఆ సినిమాని స్పీడ్ గా పూర్తి చేస్తున్నారు.

ఇక దర్శకుడు గౌతమ్ తిన్ననూరి కథని మరింతగా డెవలప్ చేసి ఈ కథకు ఉన్న స్కోప్ ని దృష్టిలో పెట్టుకొని దీన్నీ రెండు భాగాలుగా చెయ్యాలనుకుంటున్నాడట. దానికి నిర్మాత నాగవంశీ కూడా అంగీకరించినట్లు సమాచారం. త్వరలోనే ఈ విషయాన్ని ప్రకటిస్తారట.

ప్రస్తుతం పరశురామ్ డైరెక్షన్లో చేస్తున్న మూవీతో విజయ్ దేవరకొండ 12 చిత్రాల్లో నటించినట్లు అవుతుంది. ఇక గౌతమ్ తిన్ననూరి చిత్రం 13, 14గా మారుతాయన్నమాట.