అందాల నిధి నిరీక్షణ!
పవన్ కళ్యాణ్ సరసన అవకాశం రాగానే తన దశ మారిపోయిందని సంబరపడింది. కానీ, కరోనా లాక్డౌన్, పవన్ కళ్యాణ్ రాజకీయాలతో పాటు ఇతర కారణాల వల్ల ‘హరి హర వీరమల్లు’ ఇంతవరకు షూటింగ్ పూర్తి చేసుకోలేదు. రెండున్నరేళ్లు గడిచిపోయాయి. ఆ సినిమా విడుదల కావాలంటే మరో ఆరు నెలలు ఆగాలి ఈ భామ.
‘హరి హర వీర మల్లు’ తర్వాత ఇతర పెద్ద సినిమాలు తన వల్లో వాలుతాయని భావించింది. ఐతే, ‘హరి హర వీరమల్లు’ వల్ల ఈ భామకి కెరీర్లో బాగా గ్యాప్ పెరిగిపోతోంది. ఈ ఏడాది ‘హీరో’ అనే సినిమాలో ఆమె కనిపించినా ఆ చిత్రం ఆమెకి ఎటువంటి హెల్ప్ చెయ్యలేదు. పైగా, డ్యామేజ్ చేసింది. అందుకే, పవన్ కళ్యాణ్ సినిమా విడుదల కోసమే ఆమె నిరీక్షిస్తోంది.
మంచి శరీర సౌష్టవంతో కుర్రాళ్ళ మనసు దోచుకున్న ఈ భామకి రామ్ చరణ్, అల్లు అర్జున్, ఎన్టీఆర్ వంటి స్టార్స్ తో నటించాలని కోరిక. ‘హరి హర వీరమల్లు’ హిట్ అయి క్రేజ్ వస్తే ఆటోమేటిక్ గా ఆ అవకాశాలు లభిస్తాయి.
ప్రస్తుతం ఆమె తన అభిమానులతో టచ్ లో ఉండేందుకు, ఫాలోవర్స్ ని పెంచుకునేందుకు సోషల్ మీడియాలో ఎప్పటికప్పుడు హాట్ హాట్ ఫోటోషూట్లు అప్డేట్ చేస్తోంది.
