అనన్య పాండే బాలీవుడ్ లో మంచి పేరున్న కుటుంబం నుంచి వచ్చింది. ఆమె తండ్రి చుంకీ పాండే ఒకప్పుడు బాగా బిజీ నటుడు. తండ్రికి మంచి ఆస్తి ఉంది. ఇల్లు ఉంది. కానీ, తనకంటూ ఒక ప్రత్యేకంగా ఇల్లు కావాలని ఈ భామ ఇప్పుడు ఇల్లు తీసుకొంది.
తెలుగులో “లైగర్” చిత్రంలో నటించిన ఈ భామ చేసిన తక్కువ సినిమాలతోనే బాగానే సంపాదించింది. యాడ్స్ ద్వారా కూడా భారీగా అమౌంట్ వస్తుంది ఆమెకి. అందుకే చిన్న వయసులోనే సొంత ఇల్లు కొనుక్కోగలిగింది ఈ భామ.
అనన్య పాండే వయసు కేవలం 25 ఏళ్ళు. నటించింది 6 చిత్రాలు. ఇంత తక్కువ వయసులో, చిన్న కెరీర్ తోనే ముంబైలో కోట్లు ఖరీదు చేసే అపార్ట్మెంట్ కొనుక్కొంది. దంతేరాస్ రోజు మంచి ముహూర్తం అని నిన్న గృహ ప్రవేశం చేసింది ఈ బ్యూటీ.
“నా కొత్త ఇల్లు ఇది,” అంటూ ఆ ఇంట్లో పూజ చేస్తున్న ఫోటోని, వీడియోని షేర్ చేసింది. “లైగర్” ఫ్లాప్ కావడంతో మళ్ళీ తెలుగులో ఛాన్స్ రాలేదు. కానీ హిందీలో మాత్రం అవకాశాలు వస్తున్నాయి. ఇటీవలే “డ్రీంగర్ల్ 2” అనే సినిమాతో విజయాన్ని అందుకొంది.
