సీనియర్ హీరో వెంకటేష్ రెండో కూతురు పెళ్లి ఇటీవలే ఘనంగా జరిగింది. పెళ్లి పనులతో వెంకటేష్ బిజీగా ఉండి కొత్త సినిమా లాంచ్ చెయ్యలేదు. వచ్చే నెలలో కొత్త సినిమాకు శ్రీకారం చుడుతున్నారు.
అనిల్ రావిపూడి తీసే ఈ సినిమాలో వెంకటేష్ తన ఏజ్ కి తగ్గ పాత్ర పోషించనున్నారట. వెంకటేష్, అనిల్ రావిపూడి కాంబినేషన్ లో ఇంతకుముందు వచ్చిన “ఎఫ్ 2”, “ఎఫ్ 3” సినిమాల్లాగే ఇది కూడా పూర్తి వినోదాత్మకంగా ఉంటుంది. ఈ సినిమాకి “సంక్రాంతికి వస్తున్నారు” అనే టైటిల్ ని పరిశీలిస్తున్నారు.
విలేజ్ బ్యాక్డ్రాప్ లో సాగే ఈ సినిమాకి అనిల్ రావిపూడి ఈ సారి సంగీత దర్శకుడిని మార్చారు. “ఎఫ్ 2”, “ఎఫ్ 3” సినిమాలకు దేవిశ్రీ ప్రసాద్ మ్యూజిక్ ఇచ్చారు. ఇక బాలయ్యతో అనిల్ రావిపూడి తీసిన “భగవంత్ కేసరి” చిత్రానికి తమన్ పాటలు ఇచ్చారు. కానీ ఈ సారి “ధమాకా” సంగీత దర్శకుడు భీమ్స్ సిసిరోలియోని తీసుకున్నారు.
ఇక వెంకటేష్ కూడా ఇటీవల యాక్షన్ సినిమాలు చేసి చేతులు కాల్చుకున్నారు. సో, ఇప్పుడు అనిల్ తీస్తున్న ఈ ఎంటర్టైనర్ పై పూర్తి ఫోకస్ పెడుతున్నారట.
