శ్రీదేవి కూతురు జాన్వీ కపూర్ ని తెలుగులో నటింపచెయ్యాలని ఇప్పటివరకు ఎందరో నిర్మాతలు, దర్శకులు ప్రయత్నించారు. విజయ్ దేవరకొండ, ఎన్టీఆర్, రామ్ చరణ్, ప్రభాస్… ఇలా పలువురు టాలీవుడ్ అగ్ర హీరోల సరసన ఆమెని అడిగారు. కానీ ఎందుకనో ఇంతవరకు వర్కౌట్ కాలేదు.
దీపిక పదుకోన్ (ప్రభాస్ సరసన), శ్రద్ధ కపూర్, అలియా భట్ వంటి అగ్ర హీరోయిన్లు తెలుగులో నటించేందుకు అంగీకరించనప్పుడు జాన్వీ ఇంకా తాత్సారం చెయ్యడం విచిత్రంగా అనిపిస్తుంది. ఈ అందాల భామ పేరు ఇప్పుడు మరోసారి వినిపిస్తోంది. ఈసారి అల్లు అర్జున్ సరసన అంటూ వార్తలు వస్తున్నాయి.
అల్లు అర్జున్ జనరల్ గా తన సినిమాల్లో హీరోయిన్లను రిపీట్ చెయ్యడు. పూజా హెగ్డేని తప్ప రెండుసార్లు ఒకే హీరోయిన్ తో వర్క్ చేసిన దాఖలాలు లేవు. అందుకే, ఇప్పుడు ‘ఐకాన్’ సినిమాలో కూడా తనతో ఇప్పటివరకు నటించని భామని తీసుకోవాలనుకుంటున్నారట. డైరెక్టర్ జాన్వీ కపూర్ పేరు సజెస్ట్ చేసినట్లు టాక్.
ఐతే, ఆమెని ఒప్పించడం, ఆమె ఒప్పుకోవడం అనేది జరుగుతుందా అనేది చూడాలి. జాన్వీ కపూర్ తన సౌత్ అరంగేట్రానికి ‘ఐకాన్’ సినిమాని తీసుకుంటుందా? లెట్స్ సి.
ALSO CHECK: Janhvi Kapoor at a wedding event
