లావణ్య త్రిపాఠి, వరుణ్ తేజ్ త్వరలోనే పెళ్లి చేసుకోబుతున్నారు. ఈ నెల 9న వీరి నిశ్చితార్ధం జరిగింది. పెళ్ళికి ఇంకా ముహూర్తం కుదరలేదు. ఐతే పెళ్లి తర్వాత నటిస్తుందా లేదా అన్నది తెలియదు కానీ ఎంగేజ్ మెంట్ పూర్తి అయిన రెండు రోజులకే ఈ అమ్మడు షూటింగ్ లో పాల్గొనడం మొదలు పెట్టింది.
ప్రస్తుతం ఆమె రెండు వెబ్ సినిమాలతో బిజీగా ఉంది.
‘స్కై లాబ్’ తీసిన యువ దర్శకుడు విశ్వక్ ఒక వెబ్ సిరీస్ తీస్తున్నాడు. అందులో లావణ్య త్రిపాఠి హీరోయిన్. ఈ వెబ్ సిరీస్ షూటింగ్ తో బిజీగా ఉంది లావణ్య త్రిపాఠి. ఆమె చేతిలో ఇప్పుడు మూడు ప్రాజెక్ట్ లున్నాయి. రెండు వెబ్ డ్రామాస్, ఒకటి తమిళ మూవీ.
ఈ సినిమాలు చేస్తూనే పెళ్ళికి రెడీ అవుతుందట. పెళ్లి తర్వాత కూడా యాక్టింగ్ మానేసే ఆలోచనలో లేదు లావణ్య. వరుణ్ తేజ్ కూడా తన ఆమె ఎలా అనుకుంటే అలా చేసుకోవచ్చు అని చెప్పాడట. వీరిది ఏడేళ్ల ప్రేమ మరి.
Advertisement
