ఇక రితిక కెరీర్ కి ఊపు వచ్చినట్లే
రితిక నాయక్ తెలుగుసినిమా రంగంలోకి అడుగుపెట్టి చాలా కాలమే అవుతోంది. ఆమె నటించిన మొదటి చిత్రం.. అశోక వనంలో అర్జున కళ్యాణం. ఆ తర్వాత నాని నటించిన “హాయ్ నాన్న”లో చిన్న పాత్రలో మెరిసింది. కానీ ఎక్కువ ఆఫర్లు రాలేదు. ఆ సమయంలో ఆమె ఒప్పుకున్న చిత్రం… “మిరాయి.” దాదాపు ఏడాదిన్నర కాలం పాటు ఇదే సినిమాపై ఫోకస్ పెట్టింది.
ఆమె కష్టం ఫలించింది. “మిరాయి” మంచి విజయం సాధించడమే కాదు ఈ పిల్లకు కూడా పేరొచ్చింది. ఆంధ్రప్రదేశ్ కి చెందిన నాయకుడు రఘురామరాజు అన్నట్లు “ఆర్టిఫీషియల్ ఇంటిలిజెన్స్ తో చేసిన బొమ్మ”లా ఉందని కుర్రాళ్లు అంటున్నారు. అలా ఈ భామకి ఇప్పుడు మంచి క్రేజ్ వచ్చింది.
ప్రస్తుతం ఈ భామ వరుణ్ తేజ్ సరసన “కొరియన్ కనకరాజు” అనే సినిమాలో నటిస్తోంది.
ఐతే, “మిరాయి” విజయంతో ఆమెకి ఇక వరుసగా అవకాశాలు క్యూ కట్టొచ్చు. “మిరాయి 2″లో కూడా ఉండబోతుంది. ఢిల్లీకి చెందిన ఈ భామ అందాల పోటీలో కూడా గెలిచింది.