నాగ చైతన్య తన డాడీ పెట్టిన ప్రపోజల్ కి నో చెప్పేశాడు. “బంగార్రాజు” పేరుతో నాగార్జున చేయాలనుకుంటున్న సినిమాలో నటించేందుకు చైతన్య ఒప్పుకోవడం లేదంట. “సోగ్గాడే చిన్ని నాయన” అనే హిట్ సినిమాకిది సీక్వెల్. ఐతే, ఇప్పుడు ఈ మూవీలో యాక్ట్ చేయలేనని తండ్రి నాగార్జునకి చైతన్య చెప్పేశాడు.
డేట్స్ లేవనేది…బయటికి చెప్పే కారణం. కానీ ఇన్ సైడ్ ముచ్చట వేరు. చైతన్యకి ఈ సినిమా చెయ్యాలని లేదట. ఆలాంటి కథల్లో కన్నా… విక్రమ్ కుమార్, శేఖర్ కమ్ముల ఇలాంటి దర్శకులతో వర్క్ చెయ్యడం బెటర్ అనేది చైతన్య ఫీలింగ్. అందుకే డాడీకి హ్యాండిచ్చాడు.
చైతన్య మనసు తెలుసుకున్న నాగార్జున ఇప్పుడు ఆ పాత్రకి వేరే వారిని అప్రోచ్ అవ్వాలని అనుకుంటున్నట్లు టాక్.
‘మజిలీ’ హిట్ తర్వాత నాగ చైతన్య తన స్టైల్ మార్చేశాడు. శేఖర్ కమ్ముల డైరెక్షన్లో ‘లవ్ స్టోరీ’ పూర్తి చేశాడు. ప్రస్తుతం విక్రమ్ కుమార్ దర్శకత్వంలో “థాంక్యూ” అనే మూవీలో నటిస్తున్నాడు. ఆ తర్వాత మరో రెండు సినిమాలు లైన్లో పెడుతున్నాడు.
