సైలెంట్ గా సైఫ్ షూటింగ్
‘ఆదిపురుష్’లో లంకేశుడిగా నటించాడు బాలీవుడ్ హీరో సైఫ్ అలీ ఖాన్. ఒకప్పుడు సైఫ్ హీరో… ఇప్పుడు విలన్ పాత్రలకు కేరాఫ్ అయ్యారు. ‘ఆదిపురుష్’లో రావణాసురిడిగా నటించినా ఎక్కడా ఈ సినిమా గురించి ఇంతవరకు మాట్లాడలేదు. ప్రమోషన్ కి రాలేదు. తిరుపతిలో జరిగిన ప్రీ-రిలీజ్ వేడుకకు కూడా హాజరు కాలేదు.
ఇక ఇప్పుడు విడుదలైన తర్వాత రావణాసురిడి పాత్రని మలిచిన విధానంపై విమర్శలు చెలరేగాయి. ఇందులో సైఫ్ తప్పేం లేదు. దర్శకుడు ఓం రౌత్ చెప్పిన విధంగా కన్పించాడు, నటించాడు సైఫ్. ఐతే, ఈ వివాదాల నేపథ్యంలో అసలు బయట కనిపించడం లేదు సైఫ్.
ఆయన సైలెంట్ గా ఎన్టీఆర్ సినిమాలో పాల్గొంటున్నాడు. ఎల్లుండితో ‘దేవర’ సినిమాకి సంబంధించిన భారీ యాక్షన్ సీన్ చిత్రీకరణ పూర్తి అవుతుంది. ఎన్టీఆర్, సైఫ్ పై ఈ యాక్షన్ సీన్లు తీస్తున్నారు. ‘ఆదిపురుష్’ గొడవని పట్టించుకోకుండా తన పని తాను చేసుకుంటూ పోతున్నాడు సైఫ్.
సైఫ్ తీసుకున్న నిర్ణయం మెచ్చుకోవాల్సిందే. పెదవి విప్పితే, ప్రమోషన్ లో కన్పిస్తే ఇంకా వివాదం అవుతుంది. అందుకే, ఈ మౌనం.
అన్నట్లు విలన్ గా కూడా హీరోల రేంజ్ లో పారితోషికం తీసుకునే నటుడు ఆయన. సో, ఆ మాత్రం జాగ్రత్త ఉండాలి