నందమూరి బాలకృష్ణ – గోపీచంద్ మలినేని సినిమాలో తమిళ విలక్షణ నటుడు విజయ్ సేతుపతి నటించనున్నాడు అని మీడియా అంతా హంగామా చేసింది. కానీ అది ప్రతిపాదన మాత్రమే కానీ వర్కౌట్ కాలేదు. అవును, విజయ్ సేతుపతి ఈ సినిమాలో నటించబోవడం లేదు.
విజయ్ సేతుపతి ఇప్పటికే “ఉప్పెన” సినిమాలో విలన్ గా నటించారు. మైత్రి మూవీ మేకర్స్ ఈ సినిమాని నిర్మించింది. నందమూరి బాలకృష్ణ – గోపీచంద్ మలినేని సినిమాని కూడా అదే సంస్థ నిర్మించనుంది. అందుకే, విజయ్ సేతుపతిని ఆ సంస్థ ఒప్పిస్తుంది అని అందరూ భావించారు. కానీ సేతుపతి ఈ సినిమా చేయడం లేదని క్లారిటీ వచ్చిందిప్పుడు.
విజయ్ సేతుపతి తమిళ్ లో, హిందీలో పలు బిగ్ మూవీస్ చేస్తూ బిజిగా ఉన్నారు.
నందమూరి బాలకృష్ణ – గోపీచంద్ మలినేని సినిమా షూటింగ్ దసరా తర్వాత ప్రారంభం అవుతుంది. ఈ సినిమాలో హీరోయిన్ ఎవరు అనేది కూడా ఇంకా తేలలేదు. తమన్ మాత్రం మ్యూజిక్ అందించనున్నాడు.
