నేహా శెట్టి ఈ ఏడాది రెండు సినిమాల్లో కనిపించింది. అవును కేవలం కనిపించింది, నటించలేదు. పవన్ కళ్యాణ్ నటించిన “ఓజీ” (OG) సినిమాలో ఆమె ఐటెంసాంగ్ చేసింది. ఆమెకి కెరీర్ లో అదే మొదటి ఐటెం సాంగ్. ఐతే, సినిమా నుంచి ఆ పాటని తొలగించారు. విడుదలైన నాలుగు రోజుల తర్వాత కలిపారు కానీ అది ఎవరికీ రిజిస్టర్ కాలేదు.
అలా 2025లో చేసిన ఒకే ఒక్క తెలుగు చిత్రం, అదీ కూడా మొదటి ఐటెం సాంగ్… ఫలితం ఇవ్వలేదు.
ఇక తమిళంలో ఈ ఏడాది ఆమె అరగేంట్రం చేసింది. ప్రదీప్ రంగనాథన్ నటించిన డ్యూడ్ (Dude) చిత్రంలో ఆమె హీరోకి మాజీ ప్రియురాలిగా నటించింది. ఆమెకి ఇది గెస్ట్ రోల్. సినిమా పెద్ద హిట్ కానీ ఆమెకి ఏమి ఉపయోగం లేదు. ఎందుకంటే ఈ సినిమాలో ఆమె ప్రదీప్ రంగనాథన్ కన్నా కమెడియన్ సత్య సరసన కనిపించింది. అలా 2025లో రెండు సినిమాలు హిట్టయినా ఆమెకి ఏమి ఒనగూరలేదు.
ఇక 2026లోనైనా ఆమె కెరీర్ మలుపు తిరుగుతుందా అనేది చూడాలి.
ALSO READ: Neha Shetty glows in saffron magic
2022లో వచ్చిన డీజె టిల్లు తర్వాత ఆమెకి ఇంతవరకు హిట్ లేదు. ప్రస్తుతం చేతిలో సినిమాలు కూడా లేవు. కొత్త ఏడాదిలో కొత్తగా సైన్ చెయ్యాలిసిందే.
