పవన్ లో అనన్య గమనించింది ఇదే

పవన్ కల్యాణ్ గురించి తెలిసిన వాళ్లు, ఆయనకు సంబంధించి కొత్త కొత్త విషయాలు చెబుతుంటారు. ప్రతి ఒక్కరికి కొత్తగా కనిపించడం పవన్ కల్యాణ్ ప్రత్యేకత. హీరోయిన్ అనన్య నాగళ్లకు కూడా పవన్ కల్యాణ్ అలానే కొత్తగా కనిపించారు.

పవన్ తో కలిసి “వకీల్ సాబ్” సినిమాలో నటించింది అనన్య నాగళ్ల. ఆయనతో నటించడమే తనకు దక్కిన పెద్ద అదృష్టమని అంటోంది. ఈ సందర్భంగా పవన్ లో తను గమనించిన ఆసక్తికర విషయాన్ని బయటపెట్టింది.

“నేను పవన్ కల్యాణ్ లో బయట చూడనిది, సెట్స్ లో చూసింది ఏంటంటే.. అప్పుడప్పుడు పవన్ కల్యాణ్ పిల్లలు సెట్స్ కు వచ్చేవాళ్లు. ఆద్య వచ్చినప్పుడు చాలా ప్రేమగా ఉండేవారు. చాలా కేరింగ్ గా చూసుకునే వారు. అది చూసినప్పుడు నాకు మంచి ఫీలింగ్ కలిగింది. మన ఇంట్లో తల్లిదండ్రుల్లానే హీరోలు కూడా తమ పిల్లల్ని నార్మల్ గా, సింపుల్ గా, కేరింగ్ గా చూసుకుంటున్నారనిపించింది. ఆద్యను దగ్గరకు తీసుకున్నప్పుడు పవన్ లో నాకు వన్ పర్సెంట్ కూడా హీరోయిజం కనిపించలేదు.”

లొకేషన్ లో పవన్ కల్యాణ్ పెద్దగా మాట్లాడరట. తన షాట్ పూర్తయిన వెంటనే పక్కకెళ్లి పుస్తకం చదువుకుంటారట. ఎవరైనా చొరవ తీసుకొని వస్తే మాత్రం పుస్తకం పక్కనపెట్టి ఎంతసేపైనా మాట్లాడతారట. అవసరమైతే తనకు చేతనైనంత సహాయం చేస్తారట.