ఇదివరకు తాగేదాన్ని: కల్పిక

నటి కల్పిక గణేష్ ఇటీవల ఒక పబ్ లో గొడవచేసి వార్తల్లో నిలిచింది. తెగ తాగి అలా అల్లరి చేసింది అని మీడియాలో, సోషల్ మీడియాలో ప్రచారం జరిగింది. ఇప్పుడు ఆ విషయం గురించి మాట్లాడింది. నేను ఆ రోజు పబ్ లో తాగలేదు అని చెప్పింది.

మరి పబ్ కి తాగడానికి కాకుండా దేనికోసం వెళ్తారు? అదీ కూడా రెగ్యులర్ గా? నేను పబ్ కి రెగ్యులర్ కస్టమర్ ని అనే ఆమె ఆ రోజు గొడవలో చెప్పుకొంది. మరి తాగడానికి కాకుండా పబ్ కి ఎందుకు వెళ్తోంది అనే డౌట్ మనకి వస్తుంది కదా. దానికి ఆమె వివరణ ఇచ్చింది.

“అవును నేను ఇదివరకు తాగేదాన్ని. మా ఇంట్లో కూడా తెలుసు. కానీ కొంతకాలంగా తాగడం లేదు. ఆల్కహాల్ తీసుకోవడం మానేశా,” అని వివరణ ఇచ్చింది.

ఐతే, కల్పిక గణేష్ వివరణ ఎలా ఉన్నా.. ఆ పబ్ లో గొడవతో ఈ భామ ఒక్కసారిగా ఫేమస్ అయింది. “సీతమ్మ వాకిట్లో సిరిమల్లె చెట్టు” “హిట్”, “యశోద” వంటి సినిమాల్లో నటించింది. కానీ సినిమాలలో పాత్రల కన్నా ఈ పబ్ గొడవతో ఎక్కువ పాపులర్ అయిన మాట నిజం.