పవన్ కు ప్రత్యేక విన్నపం

పవన్ కల్యాణ్ సినిమాలపై కొనసాగుతున్న అనిశ్చితి అంతా ఇంతా కాదు. ఆయన ఎప్పుడు సెట్స్ పైకి వస్తారో తెలియదు, ఆయన సినిమాలు ఎప్పుడు థియేటర్లలోకి వస్తాయో చెప్పలేని పరిస్థితి. ఇలాంటి టైమ్ లో పవన్ కల్యాణ్ కు ప్రత్యేక విన్నపం చేస్తున్నారు ఆయన ఫ్యాన్స్.

ప్రస్తుతం పవన్ చేతిలో 3 సినిమాలున్నాయి. వీటిలో 2 సినిమాలు దాదాపు ఫినిషింగ్ స్టేజ్ లో ఉన్నాయి. ఆ రెండు సినిమాల్ని పూర్తిచేయాలని కోరుతున్నారు ఫ్యాన్స్. అటుఇటుగా 3 వారాలు టైమ్ ఇస్తే, ఆ రెండు సినిమాలు పూర్తయిపోతాయని, దయచేసి సినిమాలకు ఓ 3 వారాలు టైమ్ కేటాయించాలని రిక్వెస్ట్ చేస్తున్నారు.

‘హరిహర వీరమల్లు’ సినిమా దాదాపు పూర్తయింది. ఓ బ్లాక్ షూటింగ్ మాత్రమే పెండింగ్. అది పూర్తయితే మార్చి 28కి సినిమా వస్తుంది, లేదంటే కష్టమే. ఇక ‘ఓజీ’ సినిమా యూనిట్ కూడా పవన్ కోసం వెయిటింగ్. 2 వారాలు కాల్షీట్లు కేటాయిస్తే ఆ సినిమా షూట్ పూర్తవుతుందనే టాక్ ఉంది.

అందుకే పవన్ ఫ్యాన్స్ ఇలా ప్రత్యేకంగా రిక్వెస్ట్ చేస్తున్నారు. ఓ 3 వారాలు కేటాయించి, ఆ 2 సినిమాలు పూర్తిచేస్తే, థియేటర్లలో పండగ చేసుకుంటామని అంటున్నారు