పూజ హెగ్డేకి లాభం దక్కిందా?

పూజ హెగ్డేకి కెరీర్ దాదాపుగా ముగిసింది. ఆమెకి తెలుగులో గత రెండేళ్లలో ఒక్క ఆఫర్ రాలేదు. ఐతే, లక్కీగా ఆమెకి తమిళంలో మూడు, నాలుగు బడా సినిమాలు దక్కాయి. అందులో మొదటిది… రెట్రో. సూర్య హీరోగా పూజ హెగ్డే హీరోయిన్ గా రూపొందిన ‘రెట్రో’ మే 1న విడుదలైంది. తెలుగులో దారుణంగా పరాజయం పాలైంది.

తమిళంలో ఈ సినిమాకి మిశ్రమ స్పందన దక్కింది. ప్లాప్ కాదు అలాగనీ బ్లాక్ బస్టర్ కాదు. ఓపెనింగ్ కలెక్షన్స్ బాగున్నాయి. దీని పూర్తి ఫలితం సోమవారం తర్వాతే తేలుతుంది.

ఈ సినిమా ఆడకపోతే సూర్యకి దెబ్బే కానీ సూర్య కన్నా పూజ హెగ్డేకి పెద్ద సమస్య అవుతుంది. ఐతే, ఆమె కూడా సోమవారం తర్వాత ఫలితం ఎలా ఉంటుందో చూడాలని అనుకుంటోంది.

వచ్చే జనవరికి ఆమె నటించిన “జన నాయగన్” విడుదల అవుతుంది. ఇందులో విజయ్ హీరో. విజయ్ కి ఇదే చివరి చిత్రం. ఆ తర్వాత పూర్తిగా రాజకీయాలపై ఫోకస్ ఉంటుంది. అందుకే “జన నాయగన్”పై భారీ అంచనాలు ఉన్నాయి. ఈ సినిమాపై ఆమె ఆశలు పెట్టుకోవచ్చు.

నిజానికి “రెట్రో” చిత్రంలో డీగ్లామ్ పాత్రలో పూజ బాగా ఒదిగిపోయింది. ఇప్పటివరకు ఆమె చేసిన పాత్రలకు భిన్నంగా కనిపించింది. నటిగా కూడా మెప్పించింది. కానీ ఫలితం మాత్రం అనుకున్నంతగా దక్కలేదు.