Preity Mukhundhan: త్వరలోనే 5 సినిమాలు

“గ్యాప్ రాలేదు, తీసుకున్నాను”. బన్నీ నటించిన సినిమా హిట్ లో డైలాగ్ ఇది. దీన్ని ఉన్నది ఉన్నట్టుగా రిపీట్ చేస్తోంది హీరోయిన్ ప్రీతి ముకుందన్ (Preity Mukhundhan).

‘కన్నప్ప’ సినిమాతో గుర్తింపు తెచ్చుకున్న ఈ బ్యూటీ, ఆ తర్వాత పెద్దగా కనిపించలేదు. ఆమెకు అవకాశాలు రాలేదని అంతా అనుకున్నారు.

అయితే తనకు అవకాశాలు వచ్చిన్పటికీ, కావాలనే గ్యాప్ తీసుకున్నట్టు వెల్లడించింది ప్రీతి. దీనికి ఆమె ఓ కారణం కూడా చెబుతోంది. ప్రస్తుతం ఈమె కావాలనే నెమ్మదిగా సినిమాలు చేస్తోందంట. ఈమెను ప్రేక్షకులు ఎలా రిసీవ్ చేసుకుంటున్నారో గమనిస్తోందంట.

ప్రేక్షకుల నుంచి వచ్చే ఫీడ్ బ్యాక్ ఆధారంగా సినిమాలు చేస్తున్నట్టు వెల్లడించింది ప్రీతి ముకుందన్. అలా అని పూర్తిగా గ్లామర్ పాత్రలకే పరిమితమవ్వడం తనకు ఇష్టం లేదని, మంచి కథల్ని ఎంపిక చేసుకునే ప్రాసెస్ లో ఉన్నానని చెబుతోంది. ఈమధ్య కాలంలో ఈ ప్రాసెస్ లోనే ఉన్నానని, త్వరలోనే తన నుంచి 5 సినిమాలు వస్తాయని ఆనందంగా చెబుతోంది ప్రీతి.

ఇటీవల ఆమె నటించిన బ్లాస్ట్ (Blast) అనే ఒక తమిళ థియేటర్లలోకి వచ్చింది. ఈ సినిమాకు సూపర్ హిట్ టాక్ వచ్చింది.

ఇక ఆమె తెలుగులో నేరుగా ఓ సినిమా చేయడమే మిగిలింది. ఆమె కూడా మంచి కథ, పాత్ర దొరికితే ఏ భాషలోనైనా సినిమాలు చేస్తానని, తనకు భాషా భేదం అస్సలు లేదని చెబుతోంది.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.