Raashi Khanna: ట్రెండ్ ఫాలో అవ్వకండి

హీరోయిన్ రాశీ ఖన్నా (Raashi Khanna) టాలీవుడ్, బాలీవుడ్ లో వరుస సినిమాలు, వెబ్ సిరీస్‌లతో ఫుల్ బిజీగా గడుపుతోంది. రీసెంట్ గా ఆమె ‘ఉస్తాద్ భగత్ సింగ్’ సినిమాలో కూడా మెరిసింది. ఇలా ఎంత బిజీగా ఉన్నప్పటికీ, ఆమె తన రోజువారీ వర్కవుట్లను మాత్రం అస్సలు మిస్ అవ్వదు.

తాజాగా సోషల్ మీడియా వేదికగా తన ఫిట్‌నెస్ సీక్రెట్స్, మానసిక ప్రశాంతత గురించి కొన్ని ఆసక్తికరమైన విషయాలను పంచుకుంది రాశీ ఖన్నా. రాశీ ఖన్నాకు వర్కవుట్ చేయడం అనేది ఒక థెరపీ లాంటిదట. ఇది తన జీవితంలోని నెగటివిటీని దూరం చేసి, మనసుకు ఎంతో ప్రశాంతతను ఇస్తుందని చెబుతోంది.

ఫిట్‌నెస్ అనేది కేవలం బయటకు కనిపించే లుక్ కోసమే కాదని, అది మన ఆలోచనా విధానాన్ని, ప్రతిరోజూ మనం ఫీల్ అయ్యే విధానాన్ని పూర్తిగా మార్చేస్తుందని చెబుతోంది. ఈ సందర్భంగా సోషల్ మీడియా ట్రెండ్స్ గురించి కూడా స్పందించింది.

ఫిట్ నెస్ విషయంలో సోషల్ మీడియా ట్రెండ్స్‌ను గుడ్డిగా నమ్మి, ఇతరులతో మిమ్మల్ని మీరు పోల్చుకోవద్దని సలహా ఇస్తోంది రాశి. కేవలం సన్నగా మారడం కంటే శరీరాన్ని బలంగా, ఆరోగ్యంగా మార్చుకోవడంపైనే దృష్టి పెట్టాలని సూచిస్తోంది. రోజుకో చిన్న అడుగు వేస్తూ ఏదో ఒక శారీరక శ్రమను అలవాటు చేసుకోవాలని ఆమె కోరుతోంది.