Rajinikanth: డైరెక్టర్ల సమస్యా, స్క్రిప్ట్ సమస్యా?

సూపర్ స్టార్ రజినీకాంత్ (Rajinikanth) చాలా కాలంగా “జైలర్ 2” (Jailer 2) సినిమాలో నటిస్తున్నాడు. ఈ సినిమా విడుదల తేదీ యిప్పటికే రెండు సార్లు మారింది.ఇది పూర్తి కాకముందు రెండు కొత్త సినిమాలను ప్రకటించారు రజినీకాంత్. ఒకటి తాను, కమల్ హాసన్ హీరోలుగా నటించే చిత్రం. ఆ సినిమాని ‘జైలర్ 2’ దర్శకుడు నెల్సన్ తీస్తాడు.

ఐతే మరో సినిమా (Thalaivar173) విషయంలోనే సమస్య. కమల్ హాసన్ నిర్మాతగా రజినీకాంత్ హీరోగా ఒక సినిమా ప్రకటించి చాలా కాలం అవుతోంది. కానీ ఈ సినిమాకి దర్శకులు మారుతున్నారు.

ఈ చిత్రాన్ని మొదట సుందర్ కి అప్పగించారు, కానీ స్క్రిప్ట్ విషయంలో విభేదాల కారణంగా ఆయన తప్పుకున్నారు. ఆ వెంటనే తమిళ యువ దర్శకుడు సిబి చక్రవర్తిని కొత్త డైరెక్టర్ గా ప్రకటించారు. అయితే, ఆయన కూడా ఈ ప్రాజెక్ట్ నుంచి తప్పుకున్నారని తాజా సమాచారం. ఇప్పుడు ఈ చిత్రాన్ని తన చేతుల్లోకి తీసుకునేందుకు యువ దర్శకుడు అశ్వత్ మరిముత్తు ప్రయత్నిస్తున్నారట.

ఇంకా అధికారికంగా సమాచారం లేకపోయినప్పటికీ ఈ సినిమా విషయంలో దర్శకులు మారుతుండడం అభిమానుల్లో గందరగోళం, ఆందోళనను రేకెత్తిస్తున్నాయి.

కథ విషయంలోనే రజినీకాంత్ కి, ఈ దర్శకులకీ సమస్య వస్తోందట. రజినీకాంత్ కోరుతున్న మార్పులు చెయ్యలేకపోతున్నారట.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.