ఆ సినిమా ఆగిపోలేదంట

కొన్నాళ్ల కిందటి సంగతి.. ‘మా ఇంటి బంగారం’ అనే ప్రాజెక్టు ప్రకటించింది సమంత. తన సొంత బ్యానర్ పై కొత్త దర్శకుడ్ని పరిచయం చేస్తూ ఆ సినిమా చేయబోతున్నట్ట తెలిపింది. ఆ టైమ్ లో రిలీజ్ చేసిన ఫస్ట్ లుక్ పోస్టర్ కు కూడా మంచి రెస్పాన్స్ వచ్చింది. గృహిణి గెటప్ లో ఉన్న సమంత, చేతిలో తుపాకీ పట్టుకున్న పోస్టర్ అది.

ఇలా ఓ రేంజ్ లో హైప్ తీసుకొచ్చిన తర్వాత సైలెట్ అయిపోయింది సమంత. తన సినిమానే కాదు, అసలు ఏ సినిమా చేయడం లేదు. ఈ గ్యాప్ లో ‘శుభం’ అనే సినిమా చేయడంతో… ‘మా ఇంటి బంగారం’ ఆగిపోయిందని అంతా ఫిక్స్ అయిపోయారు.

ఎట్టకేలకు ఈ సినిమాపై సాలిడ్ అప్ డేట్ ఇచ్చింది సమంత.

వచ్చే నెల నుంచి ‘మా ఇంటి బంగారం’ ప్రాజెక్టును సెట్స్ పైకి తీసుకురాబోతున్నట్టు తెలిపింది. ‘శుభం’ సినిమా ప్రమోషన్ లో ఈ గుడ్ న్యూస్ ను వెల్లడించింది. ‘శుభం’ రిలీజైన నెల రోజుల గ్యాప్ లో ‘మా ఇంటి బంగారం’ సెట్స్ పైకి వస్తుందన్నమాట.