2025: సమంత వెరీ హ్యాపీ

నాగ చైతన్యతో విడాకులు, ఆ తర్వాత ఆరోగ్య సమస్యలు వంటి వాటితో సమంత చాలా సతమతం అయింది. రెండు, మూడేళ్లు మూడేళ్లు అవే ఇబ్బందులు వెంటాడాయి. ఐతే, మళ్ళీ ప్రేమలో పడడం, సమస్యల నుంచి బయటపడడం గతేడాదే జరిగింది. కానీ 2025 ఆమెని పూర్తిగా ట్రాక్ లోకి తెచ్చింది.

అందుకే, ఈ ఏడాది అంటే చాలా ఆనందం అంటోంది. 2025 మరిచిపోలేని ఏడాది అని చెప్తోంది.

సమంత ఇటీవలే మళ్ళీ పెళ్లి చేసుకొంది. కొంతకాలంగా డేటింగ్ లో ఉన్న దర్శకుడు రాజ్ నిడిమోరుని పెళ్లాడింది. ఇద్దరూ కలిసి కొత్త ఇంట్లో కాపురం పెట్టారు. ఇక సినిమాల నిర్మాణం కూడా ఈ ఏడాదే మొదలుపెట్టింది. మొదటి సినిమాగా “శుభం” నిర్మించింది. అది ఈ ఏడాది వేసవిలో విడుదలై యావరేజ్ అనిపించుకొంది. ఇక ఇప్పుడు తానే హీరోయిన్ గా నటిస్తూ ఒక సినిమా నిర్మిస్తోంది. ఆ సినిమా పేరు… మా ఇంటి బంగారం.

ఇలా ఎన్నో పరిణామాలు ఈ ఏడాది చూసింది. అందుకే 2025తో చాలా హ్యాపీ అని అంటోంది.