Cocktail 2: పెళ్లి తర్వాత రష్మిక మందాన మొదటి రిలీజ్

రష్మిక మందాన (Rashmika Mandanna) ఈ ఏడాది ఫిబ్రవరిలో పెళ్లి చేసుకొంది. హీరో విజయ్ దేవరకొండని ప్రేమించి పెళ్లాడింది. పెళ్ళికి ముందే ఒప్పుకున్న చిత్రాలు వరుసగా ఈ ఏడాది విడుదల కానున్నాయి. అందులో మొదటగా విడుదల అవుతున్న చిత్రం… కాక్ టైల్ 2 (Cocktail 2).

ఈ కాక్ టైల్ 2 రేపే అంటే జూన్ 19న విడుదల అవుతోంది. ఈ సినిమా ఆమెకి ఒక విధంగా కీలకమే కానీ ఈ సినిమాలో మీరో హీరోయిన్ కృతి సనన్ కూడా ఉంది. షాహిద్ కపూర్ హీరోగా.

సోలో హీరోయిన్ గా నటించి ఉంటే రష్మిక మందనపై ఎక్కువ భారం ఉండేది. పెళ్లి తర్వాత మొదటి వస్తుందా రాదా అని అందరూ బెట్టింగ్స్ వేసేవారు. కానీ ఈ సినిమాలో మరో పెద్ద హీరోయిన్ ఉండడంతో, హిట్ అయినా ఫ్లాప్ అయినా ఇద్దరికీ వెళ్తుంది. సో, ఆమెకి సినిమా ఫలితాన్ని మొయ్యాల్సిన భారం తప్పింది.

రష్మిక ఈ ఏడాది మరో రెండు సినిమాలు విడుదల చేయనుంది. ఒకటి రణబాలి. ఇందులో విజయ్ దేవరకొండ సరసన నటిస్తోంది. ఈ సినిమా సెప్టెంబర్ లో వస్తుంది. అలాగే “మైసా” అనే హీరోయిన్ ఓరియెంటెడ్ చిత్రంలో కూడా ఆమె ప్రధాన పాత్ర. ఈ మూవీ డిసెంబర్ లో రిలీజ్ కానుంది.

ఇక హిందీలో కొత్తగా సినిమాలు ఆమె సైన్ చెయ్యలేదు.