Varanasi: వారణాసి టికెట్ ధర ఎంత?

Varanasi movie: రాజమౌళి డైరెక్షన్లో మహేష్ బాబు హీరోగా రూపొందుతోన్న “వారణాసి” సినిమా వచ్చే ఏడాది విడుదల కానుంది. ఏప్రిల్ 7, 2027న రిలీజ్ కానుంది అని ఇప్పటికే టీం చెప్పింది. అంటే రిలీజ్ కి ఇంకా ఏడాదికి పైనే టైం ఉంది. కానీ అప్పుడే ఈ సినిమా బిజినెస్ ని క్లోజ్ చేసే పనిలో పడింది టీం. నిర్మాత కె. ఎల్. నారాయణ ఇప్పటికే డిస్ట్రిబ్యూటర్లతో బేరాలు మొదలుపెట్టారు.

“వారణాసి” నైజాం హక్కులు దాదాపు 150 నుంచి 200 కోట్ల రూపాయల మధ్య అడుగుతున్నారు. ఒక అగ్ర నిర్మాత 150 కోట్లకు కోట్ చేస్తే మరో అగ్ర నిర్మాత 175 వరకు ఇచ్చేందుకు రెడీ అయ్యారట.

కానీ, అంత బిజినెస్ అవుతుందా? ఇప్పటివరకు “ఆర్ ఆర్ ఆర్” మినహా ఏ సినిమా కూడా నైజాంలో 120 కోట్లకు పైగా థియేటర్ రెవెన్యూ (షేర్) సాధించలేదు. మరి 150 కోట్లు పెట్టి సినిమా డిస్ట్రిబ్యూషన్ హక్కులు కొంటే షేర్ అంతకన్నా ఎక్కువ రావాలి. అప్పుడు థియేటర్ టికెట్ రేట్ 2000కి పెట్టాలి.

ప్రస్తుతం టికెట్ రేట్లను 450 నుంచి 600 మధ్య అమ్ముతున్నారు పెద్ద సినిమాలకు మొదటి వారం. కానీ “వారణాసి”కి ఇప్పటి నుంచే హైప్ క్రియేట్ చేసి 2000 టికెట్ రేట్ కి ప్రభుత్వాలని ఒప్పిస్తారా అనే అనుమానాలు వ్యక్తమవుతున్నాయి.