The Raja Saab: మారుతి చేసిన అతి వల్లే ట్రోలింగ్

The Raja Saab: ప్రస్తుతం సోషల్ మీడియాలో తెగ హల్చల్ చేస్తోన్న చిత్రం…. ది రాజాసాబ్. తాజాగా ఈ సినిమా ఓటిటిలోకి వచ్చింది. దాంతో ఇంతకుముందు చూడని వాళ్ళతో పాటు థియేటర్లో చూసిన వాళ్ళూ ఈ సినిమాని ట్రోలింగ్ చెయ్యడం మొదలుపట్టారు.

అసలు ఈ మధ్య కాలంలో ఒక సినిమాకి ఇంత ట్రోలింగ్ జరగలేదు. దానికి కారణం సినిమా బాగాలేకపోవడం, చాలా బోరింగ్ గా ఉండడం ఒక్కటే రీజన్ కాదు. దర్శకుడు మారుతి (Maruthi) చేసిన అతి కూడా కారణాల్లో ఒకటి.

సినిమా ముందు ఒక రేంజ్ లో మాట్లాడాడు మారుతి. ప్రభాస్ ఫ్యాన్స్ ఊగిపోతారు అన్నట్లుగా చెప్పాడు. అస్సలు తన డైరెక్షన్ ని చూసి ఇతర పెద్ద హీరోలు వెంట పడుతారు, ప్రభాస్ చాలా గ్లామరస్ గా ఉంటాడు అన్నట్లుగా చెప్పాడు. అంతే కాదు, రిలీజ్ అయిన మర్నాడు విమర్శించిన వాళ్లపై, క్రిటిక్స్ పై కామెంట్స్ చేశాడు. ఏదైనా కొత్త చిత్రం, కొత్త కథ తీసినప్పుడు త్వరగా అర్థం కాక, ఇలాంటివి కామెంట్స్ వస్తాయని, రెండు రోజుల్లో అన్ని సర్దుకుంటాయని అన్నాడు. కానీ ఇప్పుడు ఓటిటిలో సినిమా చూసిన వాళ్ళు మారుతిని తెగ తిడుతున్నారు. ఇందులో కొత్తదనం ఎక్కడ ఉంది అని అడుగుతున్నారు.

అలాగే ప్రభాస్ ని గ్లామర్ గా చూపించడం అంటే బాడీ డబుల్ ని ఉపయోగించి, ఆ ఫేస్ లో ప్రభాస్ ఫేస్ ని ఇరికించడమా అని గట్టిగా అడుగుతున్నారు ఫ్యాన్స్.

ది రాజాసాబ్ సినిమా థియేటర్లో విడుదలైనప్పుడు ఎదురుకొన్న కామెంట్స్ కన్నా ఇప్పుడు ఎక్కువ ట్రోలింగ్ ఫేస్ చేస్తోంది.