అనగనగా ‘డైరెక్టర్’ నవీన్ నా?

2026 సంక్రాంతికి విడుదల అవుతున్న సినిమాలు ఇవి: 1) ది రాజా సాబ్ 2) మన శంకర వరప్రసాద్ గారు 3) భర్త మహాశయులకు విజ్ఞప్తి 4) అనగనగా ఒక రాజు 5) నారి నారి నడుమ మురారి. ఈ సినిమాల్లో మూడు సినిమాలకు చెందిన దర్శకుల గురించి అందరికీ తెలుసు.

మారుతి (ది రాజా సాబ్), అనిల్ రావిపూడి (మన శంకర వరప్రసాద్ గారు), కిషోర్ తిరుమల (భర్త మహాశయులకు విజ్ఞప్తి) దర్శకులుగా ఇంతకుముందే హిట్స్ ఇచ్చారు. వారి ప్రతిభ అందరికీ తెలుసు. నారి నారి నడుమ మురారి.ఇక శర్వానంద్ హీరోగా రూపొందిన “నారి నారి నడుమ మురారి”కి దర్శకుడు రామ్ అబ్బరాజు. ఈ దర్శకుడు ఇంతకుముందు “సామాజ వరాగమనా” “వివాహ భోజనంబు” సినిమాలు తీశాడు. అతనికి దర్శకుడిగా ఒక గుర్తింపు ఉంది.

ఈ ఐదు సినిమాల్లో దర్శకుడు ఎవరో తెలియని చిత్రం.. అనగనగా ఒక రాజు.

ఈ సినిమా దర్శకుడు (మారి) ఎవరో జనాలకు తెలియదు. టీం కూడా అతన్ని పెద్దగా పట్టించుకోవడం లేదు. అంతా తానే అని హీరో నవీన్ పోలిశెట్టి వ్యవహరిస్తున్నాడు. నిర్మాత నాగవంశీ కూడా అలాగే మాట్లాడుతున్నాడు. నవీన్ గురించి అందరికీ తెలుసు తానే రాసుకుంటాడు, తానే ఘోస్ట్ డైరెక్ట్ చేసుకుంటాడు. ప్రమోషన్లు కూడా తానే ప్లాన్ చేసుకుంటాడు. అందుకే ఈ సినిమా దర్శకుడు ఎవరో కూడా తెలియకుండానే పోతోంది.