Varun Tej: మారుతితో రిస్క్ తీసుకుంటాడా?

హీరో వరుణ్ తేజ్ (Varun Tej) ప్రస్తుతం కొరియాలో ఉన్నాడు. కొరియన్ కనకరాజ్ (Korean Kanakaraju) అనే సినిమాలో నటిస్తున్నాడు. ఆ షూటింగ్ కోసం కొరియా వెళ్ళాడు. ఈ సినిమా షూటింగ్ తుది దశకు చేరుకొంది. మరో రెండు, మూడు నెలల్లో ఈ సినిమా విడుదల అవుతుంది. ఆ తర్వాత ఏ సినిమా చేస్తాడు?

వరుణ్ తేజ్ ఇటీవల నటించిన సినిమాలు ఏవీ ఆడలేదు. వరుసగా మూడు, నాలుగు సినిమాలు పోయేసరికి వరుణ్ కి క్రేజ్ తగ్గింది. మార్కెట్ కూడా పడిపోయింది. ఈ ‘కొరియన్ కనకరాజ్’తో పాటు మరో రెండు సినిమాలు ఆడితేనే అతని కెరీర్ ట్రాక్ లో పడుతుంది. అందుకే అతని తదుపరి సినిమాలపై ఫిలిం ఇండస్ట్రీ ఫోకస్ పెట్టింది.

ప్రస్తుతం ఈ సినిమా తర్వాత ఏ సినిమాలు చెయ్యాలి అనే విషయంలో ఇంకా నిర్ణయం తీసుకోలేదు కానీ పలువురు దర్శకులు అతన్ని అప్రోచ్ అవుతున్నారు. ఇటీవల ప్రభాస్ తో “ది రాజాసాబ్” సినిమా తీసి దారుణమైన పరాజయం చూసిన మారుతి ఇప్పటికిప్పుడు తనకి డేట్స్ ఇచ్చే హీరో వరుణ్ తేజ్, సాయి ధరమ్ తేజ్ మాత్రమే అని భావిస్తున్నాడట. ముఖ్యంగా వరుణ్ తేజ్ ని ఒప్పించి వచ్చే సంక్రాంతికి సినిమా విడుదల అయ్యేలా ప్లాన్ చేసుకుందామని ప్రయత్నిస్తున్నాడు.

హీరో ఒప్పుకోకముందే ఈ సినిమాకి “హ్యాపీ పొంగల్” అనే పేరు కూడా ఫిక్స్ చేసుకున్నాడు. మరి జనంతో తెగ ట్రోలింగ్ పొందిన మారుతితో ఇప్పుడు వరుణ్ తేజ్ రిస్క్ తీసుకుంటాడా?

లేక ఇటీవల కమిటీ కుర్రాళ్ళు సినిమాతో పేరు తెచ్చుకున్న యువ దర్శకుడు యదు వంశీ చెప్పిన స్పోర్ట్స్ డ్రామా ఒప్పుకుంటాడా అనేది చూడాలి.