దిల్ రాజుకు మరో దెబ్బ

దిల్ రాజుకు మరో ఎదురుదెబ్బ తగిలింది. ఓవైపు డిస్ట్రిబ్యూటర్ గా సక్సెస్ అవుతూనే, మరోవైపు నిర్మాతగా ఆయన ఫెయిల్యూర్స్ చూస్తున్నారు. ఇప్పుడీ లిస్ట్ లోకి ‘జనక అయితే గనక’ సినిమా కూడా చేరింది.

దిల్ రాజు ప్రొడక్షన్స్ బ్యానర్ పై సుహాస్ హీరోగా నటించిన ఈ సినిమాపై నిర్మాత చాలా హోప్స్ పెట్టుకున్నాడు. ఈ దసరాకు కుటుంబమంతా కలిసి చూడదగ్గ చక్కటి చిత్రంగా ప్రమోషన్స్ లో చెప్పుకొచ్చాడు.

కానీ కండోమ్ చుట్టూ తిరిగే ఈ కథను ఎంత సంప్రదాయబద్ధంగా తీసినప్పటికీ ఫ్యామిలీ ఆడియన్స్ మెచ్చుకోలేదు. అలా దసరా సినిమాల్లో అన్నింటికంటే ముందుగా ఫెయిలైంది ‘జనక అయితే గనక’ సినిమా.

దిల్ రాజుకు ఈ ఏడాది నిర్మాతగా పెద్దగా కలిసిరాలేదు. ప్రారంభంలో ‘ఫ్యామిలీ స్టార్’ రిలీజ్ చేశాడు. భారీ అంచనాల మధ్య వచ్చిన ఆ సినిమా ఫ్లాప్ అయింది. ఆ తర్వాత తన కుటుంబ హీరో ఆశిష్ ను పెట్టి ‘లవ్ మీ’ తీశాడు. అది కూడా ఫెయిలైంది. ఇప్పుడు ‘జనక అయితే గనక’ కూడా ఫెయిల్యూర్ లిస్ట్ లో చేరింది.