10 నిమిషాల్లో ఓకే, రాత్రంతా పార్టీ

3-4 రోజుల్లో కథ పూర్తిచేయడమే కాదు.. అంతే వేగంగా హీరోల నుంచి ఓకే కూడా చెప్పించుకుంటాడు దర్శకుడు పూరి జగన్నాధ్. ఇతడి టాలెంట్ ఇది. ఏ హీరోనైనా సింగిల్ సిట్టింగ్ లో కథ చెప్పి, ఓకే చేయించుకోగల సత్తా ఉన్న దర్శకుడు ఇతడు.

తాజాగా ఈ దర్శకుడి టాలెంట్ కు సంబంధించి ఆసక్తికర విషయం ఒకటి బయటకొచ్చింది. డబుల్ ఇస్మార్ట్ సినిమాలో విలన్ గా నటించాడు సంజయ్ దత్. ఇతడి కాల్షీట్ల కోసం చార్మి, పూరి చాలా టెన్షన్ పడ్డారు. ఈ సంగతి పక్కనపెడితే.. సంజయ్ దత్ ను పూరి ఎలా ఒప్పించాడనేది ఇప్పుడు మేటర్.

సంజయ్ దత్ ను కలిసి కేవలం 10 నిమిషాలు అతడు చేయాల్సిన బిగ్ బుల్ పాత్రను వివరించాడట పూరి జగన్నాధ్. అంతే, ఆ 10 నిమిషాల నెరేషన్ కే సంజయ్ దత్ ఓకే చెప్పాడట. అంతేకాదు. ఆ క్యారెక్టర్ బాగా నచ్చడంతో, ఆ రాత్రి పూరి-చార్మికి పెద్ద పార్టీ కూడా ఇచ్చాడంట.

అలా 10 నిమిషాల్లో సంజూ బాబాను ఒప్పించిన పూరి జగన్నాధ్, ఆ తర్వాత అతడి కాల్షీట్లు దొరకబుచ్చుకోవడానికి మాత్రం చాలా కష్టపడ్డాడట. అందుకే ఎందుకైనా మంచిదని, ఫస్ట్ షెడ్యూల్ లోనే రామ్, సంజయ్ దత్ మధ్య క్లైమాక్స్ పార్ట్ షూట్ చేశారట.