Sai Pallavi: లుక్ మిస్సయింది

సాయిపల్లవి (Sai Pallavi) పుట్టినరోజు నాడు అంతా ఎదురుచూసిన లుక్, ‘రామాయణ’ (Ramayana) నుంచి ఆమె సీత లుక్. కానీ ఆమె ఫ్యాన్స్ తో పాటు ప్రేక్షకులందరికీ నిరాశే ఎదురైంది. రోజంతా ఎదురుచూసినవాళ్లు మరింత డిసప్పాయింట్ అయ్యారు.

నితీష్ తివారీ దర్శకత్వంలో తెరకెక్కుతున్న ‘రామాయణ’ సినిమాపై భారీ అంచనాలు ఉన్నప్పటికీ, సాయి పల్లవి పుట్టినరోజు సందర్భంగా సీతగా ఆమె లుక్‌ను విడుదల చేయకపోవడం అభిమానులను తీవ్ర నిరాశకు గురిచేసింది. ఇలాంటి ప్రతిష్టాత్మక చిత్రాల్లో కీలక పాత్రధారుల లుక్స్ ను సాధారణంగా పుట్టినరోజున విడుదల చేస్తుంటారు. సాయి పల్లవి విషయంలో అది జరగలేదు.

ఇప్పటికే చాలామంది సీత పాత్రలో కనిపించారు. సాయిపల్లవి ఆ పాత్రలో ఎలా సెట్ అయిందో చూడాలని చాలామందికి ఉంది. కానీ ఆ ఉత్సహాన్ని మేకర్స్ నీరుగార్చారు. ఆమె పుట్టినరోజు సందర్భంగా లుక్ రిలీజై ఉంటే, ప్రాజెక్టుకు సౌత్ లో మంచి క్రేజ్ వచ్చి ఉండేది. ఆ అవకాశం మిస్సయింది.

రణబీర్ కపూర్ రాముడిగా, సాయి పల్లవి సీతగా, యష్ రావణుడిగా నటిస్తున్న ఈ సినిమాను ఈ ఏడాది దీపావళికి విడుదల చేయబోతున్నారు. ఇంత పెద్ద స్టార్ కాస్ట్, ఇంత భారీ బడ్జెట్ ఉన్నప్పటికీ, సినిమా ప్రచారం విషయంలో మేకర్స్ ఆచితూచి వ్యవహరించడంతో రిలీజ్ పై అనుమానాలు వ్యక్తమౌతున్నాయి.

ఇటీవల ఈ సినిమాకు సంబంధించి విడుదలైన చిన్న గ్లింప్స్‌కు ప్రేక్షకుల నుండి మిశ్రమ స్పందన వచ్చింది. ఇలాంటి సమయంలో సాయి పల్లవి లుక్‌ను విడుదల చేసి ఉంటే, సినిమాకు మళ్లీ మంచి బజ్ వచ్చి ఉండేది.