Jana Nayagan: సీఎం అయితే తప్ప రావట్లేదు

‘జన నాయగన్’ (Jana Nayagan) సినిమా మేటర్ ఇది. ఈ సినిమా ఊహించని విధంగా సెన్సార్ చిక్కుల్లో పడిన సంగతి తెలిసిందే. పైకి సెన్సార్ చిక్కులని చెప్పుకుంటున్నప్పటికీ, విజయ్ (Vijay)కు పొలిటికల్ మైలేజీ దక్కకూడదనే ఉద్దేశంతో సినిమా రిలీజ్ ను కావాలనే కొంతమంది తొక్కిపెట్టారనే వాదన తమిళనాట అంతా వినిపించింది.

ఇప్పుడీ సినిమాకు అనధికారికంగా లైన్ క్లియర్ అయినట్టే.

‘జన నాయగన్’ సినిమా మరో 2 వారాల్లో థియేటర్లలోకి వస్తుందని చెబుతున్నాడు నిర్మాత, కేవీఎన్ ప్రొడక్షన్స్ అధినేత వెంకట్ కె.నారాయణ. మీడియాతో మాట్లాడిన ఆయన, తన టీమ్ సెన్సార్ సభ్యులతో చురుగ్గా చర్చలు జరుపుతోందని, మరో 2 వారాల్లో సినిమా రిలీజ్ అయ్యే అవకాశం ఉందని ప్రకటించారు.

ఈ సినిమా టైటిల్ కార్డును ఇప్పటికే మార్చిన సంగతి తెలిసిందే. దళపతి విజయ్ అని కాకుండా, ముఖ్యమంత్రి విజయ్ అంటూ టైటిల్ వేస్తున్నారు. విజయ్ ముఖ్యమంత్రి అయిన తర్వాత ఆయన నుంచి వస్తున్న మొదటి, చివరి చిత్రం ఇదే.

హెచ్.వినోత్ దర్శకత్వంలో తెరకెక్కిన ఈ సినిమాలో విజయ్ సరసన పూజాహెగ్డే హీరోయిన్ గా నటించింది. తెలుగులో హిట్టయిన ‘భగవంత్ కేసరి’ స్ఫూర్తితో ఈ సినిమాను తెరకెక్కించారనే ప్రచారం నడుస్తోంది.