KH x RK: చెప్పండి జీ… ఎవరు హీరో?

కమల్ హాసన్, రజినీకాంత్ తమ కెరీర్ ప్రారంభంలో పలు సినిమాల్లో కలిసి నటించారు. ఆ తర్వాత మల్టీ స్టారర్ చెయ్యలేదు. దాదాపు 47 ఏళ్ల తర్వాత చేతులు కలిపారు. ఒకే ఫ్రేములోకి వచ్చారు. కమల్ హాసన్, రజినీకాంత్ హీరోలుగా దర్శకుడు నెల్సన్ దిలీప్ కుమార్ ఒక కొత్త సినిమా తీస్తున్నాడు. దాని ప్రకటన (KH x RK) ఒక వీడియో టీజర్ ద్వారా వచ్చింది.

ఈ టీజర్ లో నెల్సన్ దిలీప్ కుమార్ రజినీకాంత్, కమల్ హాసన్ లకు కాస్ట్యూమ్స్ చెప్పే సీన్ నుంచి వారి ఇంట్రడిక్షన్ మొదలవుతుంది. ఆ తర్వాత ఇద్దరూ నడుచుకుంటూ వచ్చి గ్యారేజ్ లో ఉన్న కారులో కూర్చోవడం, వెనుక సీట్లో నెల్సన్, సంగీత దర్శకుడు అనిరుధ్ కూర్చోవడం, ఆ తర్వాత కమల్ ఇంతకీ హీరో ఎవరు అని అడగడం, దానికి సమాధానం చెప్పు అని రజినీకాంత్ అనడంతో టీజర్ ఎండ్ అవుతుంది.

ఈ సినిమాలో హీరో ఎవరు అనేది ఆ ఇద్దరు హీరోలకు డౌట్ వచ్చింది కానీ ఇద్దరి హీరోల సినిమా అని చెప్పాల్సిన అవసరం లేదు కదా.

ప్రస్తుతం కమల్ హాసన్, రజినీకాంత్ ఇద్దరూ వేర్వేరు సినిమాలతో బిజీగా ఉన్నారు. అవి పూర్తి చేసుకున్న తర్వాత ఈ సినిమా షూటింగ్ స్టార్ట్ చేస్తారు.