అందరి తరపున సారీ

‘భైరవం’ సినిమాపై బాయ్ కాట్ ట్రెండ్ నడిచిన సంగతి తెలిసిందే. అప్పుడెప్పుడో నాలుగేళ్ల కిందట విజయ్ కనకమేడల, చిరు-చరణ్ పై పెట్టిన అభ్యంతరక పోస్టుపై మెగా ఫ్యాన్స్ భగ్గుమన్నారు. అతడు తీసిన భైరవం సినిమాను ‘బాయ్ కాట్’ చేస్తామంటూ ప్రకటించారు.

ఆ పోస్టుకు తనకు సంబంధం లేదని, అయినప్పటికీ అందరికీ సారీ అంటూ స్టేట్ మెంట్ రిలీజ్ చేశాడు విజయ్ కనకమేడల. అయినప్పటికీ మెగా ఫ్యాన్స్ కొందరు చల్లారలేదు. దీంతో మంచు మనోజ్ స్వయంగా రంగంలోకి దిగాడు.

‘భైరవం’ ప్రీ రిలీజ్ ఫంక్షన్ లో మాట్లాడిన మనోజ్, విజయ్ తరఫున, టీమ్ తరఫున తను క్షమాపణలు చెప్పాడు. 9 ఏళ్ల గ్యాప్ తర్వాత ఈ సినిమాతో ప్రేక్షకులముందుకొస్తున్నానని, దయచేసి అంతా సహకరించాలని విజ్ఞప్తి చేశాడు.

మెగా హీరోలంటే విజయ్ కు చాలా ఇష్టమని, అతడి వాట్సాప్ డీపీలో కూడా పవన్ కల్యాణ్ తో దిగిన ఫొటో ఉంటుందని గతంలో ఓ సందర్భంలో చెప్పుకొచ్చాడు మనోజ్. అలాంటి వ్యక్తిని ఒంటరిని చేసి టార్గెట్ చేయడం సరికాదని అభిప్రాయపడ్డాడు. ఈ వీకెండ్ ఎట్రాక్షన్ గా థియేటర్లలోకి వస్తోంది ‘భైరవం’.