Peddi: ఏప్రిల్ 30 డేట్ మార్పు లేదు

నిన్న హీరో రామ్ చరణ్ (Ram Charan) ‘పెద్ది’ (Peddi) సినిమా షూటింగ్ లో గాయపడ్డాడు. గచ్చిబౌలి స్టేడియంలో కీలకమైన సన్నివేశాలు తీస్తున్నప్పుడు చిన్న ప్రమాదం జరిగి కంటిపై భాగంలో దెబ్బ తగిలింది. దాంతో రామ్ చరణ్ ని రెండు రోజుల విశ్రాంతి తీసుకోమని డాక్టర్లు చెప్పారట . చిన్న దెబ్బె కావడంతో యధావిధిగా షూటింగ్ లో పాల్గొనేందుకు రామ్ చరణ్ సిద్ధమయ్యాడు.

ALSO READ: Mishap for Ram Charan during Peddi shoot, actor safe

నిన్న రామ్ చరణ్ కి దెబ్బలు తగిలాయి అన్న వార్త గుప్పుమనడంతో సినిమా షూటింగ్ ఆగిపోయింది, విడుదల పోస్ట్ పోన్ అయింది అని ప్రచారం మొదలైంది. ఐతే, అలాంటిదేమి లేదు అని తాజాగా తెలుస్తోంది. ఈ సినిమాని ఏప్రిల్ 30న విడుదల చేస్తున్నారు.

అమెరికాలో ఈ సినిమా ఏప్రిల్ 29న ప్రీమియర్ కానుంది. ప్రీమియర్ షో టికెట్ల అమ్మకాలు రేపటి నుంచి మొదలవుతున్నాయి. ఈ టికెట్ అమ్మకాల డేట్ లో ఎలాంటి మార్పు లేదు అని డిస్ట్రిబ్యూటర్ ప్రకటించారు. అంటే సినిమా విడుదలలో ఈ చేంజ్ లేనట్లే.

పెద్ది సినిమాని బుచ్చిబాబు డైరెక్ట్ చేస్తున్నాడు. ఇతను ఇంతకుముందు ఉప్పెన సినిమా తీశాడు. అతనికి ఇది రెండో చిత్రం. రామ్ చరణ్ ఈ సినిమాలో రకరకాల క్రీడల్లో పాల్గొనే గ్రామీణ కుర్రాడిగా కనిపిస్తాడు. ఊరి బాగు కోసం పోరాడే పెద్ది అనే పాత్రలో నటిస్తున్నాడు. రామ్ చరణ్ సరసన జాన్వీ కపూర్ నటిస్తోంది.

ఇక ఈ సినిమాలో ఐటెం సాంగ్ కోసం మృణాల్ ఠాకూర్ ని అనుకుంటున్నారట.