సమంత గుడిలో ప్రత్యేక పూజలు

ఈరోజు సమంత తన 38వ పుట్టినరోజును జరుపుకుంది. చాలామంది ప్రముఖులు ఆమెకు పుట్టినరోజు శుభాకాంక్షలు తెలిపారు. అయితే ఇవన్నీ ఒకెత్తు, ఓ వీరాభిమాని చేసిన పని మరో ఎత్తు.

పుట్టినరోజు సందర్భంగా సమంతకు ప్రత్యేక పూజలు నిర్వహించాడు బాపట్ల జిల్లాకు చెందిన సందీప్. ఇంతకీ ఈ పూజలు ఎక్కడ నిర్వహించాడో తెలుసా? సమంత గుడిలోనే.

అవును.. మూడేళ్ల కిందటే సమంతాకు గుడి కట్టాడు ఈ హార్డ్ కోర్ ఫ్యాన్. సమంతా చేస్తున్న ఛారీటీ కార్యక్రమాలు తనకు ఎంతగానో నచ్చాయని, అందుకే ఆమెపై ఇష్టంతో గుడి కట్టానని తెలిపాడు.

అదే గుడిలో ప్రతి పుట్టినరోజుకు సమంతకు ప్రత్యేక పూజలు నిర్వహిస్తాడు. ఆ తర్వాత అనాధ పిల్లలకు అన్నదానం చేస్తాడు. వాళ్లతోనే కేక్ కట్ చేయిస్తాడు. ఇలా సమంత పుట్టినరోజును ఘనంగా నిర్వహించాడు సందీప్. ఇలాంటి అభిమానిని సమంత వ్యక్తిగతంగా కలిసి మెచ్చుకుంటే బాగుంటుందేమో.