Peddi: స్పీడ్ గా షూటింగ్ చేస్తోన్న చరణ్

రామ్ చరణ్ పెద్ది (Peddi) సినిమా షూటింగ్ లో బిజీగా పాల్గొంటున్నాడు. రెండు పాటలు, కొంత టాకీ పార్ట్ మిగిలి ఉంది. వీటిని స్పీడ్ గా పూర్తి చేసే పనిలో పడ్డాడు. ప్రస్తుతం హైదరాబాద్ లో షూటింగ్ జరుగుతోంది.

రామ్ చరణ్ (Ram Charan) హీరోగా దర్శకుడు బుచ్చిబాబు తీస్తున్న “పెద్ది” చిత్రం ఏప్రిల్ 30న విడుదల కావాలి. అంటే అన్ని పనులు ఏప్రిల్ 22లోపు పూర్తి అవ్వాలి. ఆ లోపు మొత్తం షూటింగ్, పోస్ట్ ప్రొడక్షన్ పూర్తి అవుతుందా అనే డౌట్ అందరిలో ఉంది. కానీ రామ్ చరణ్ మాత్రం తన పుట్టిన రోజు వేడుకలు ముగిసిన వెంటనే షూటింగ్ లో మళ్ళీ పాల్గొనడం మొదలు పెట్టారు. ఇప్పుడు షూటింగ్ పూర్తి అయ్యేంతవరకు రెస్ట్ లేదు అన్నట్లుగా పని చేస్తున్నారు.

ఈ సినిమాపై భారీ అంచనాలు ఉన్నాయి. ఇప్పటివరకు విడుదలైన రెండు పాటలకు సూపర్ రెస్పాన్స్ వచ్చింది. అలాగే క్రికెటర్ గా మొదటి గ్లిమ్ప్స్ లో రామ్ చరణ్ కనిపిస్తే అది బాగా వైరల్ అయింది. తాజాగా కుస్తియోధుడిగా కనిపిస్తే జనం వెర్రెత్తి పోయారు. హనుమంతుడిలా ఉన్నాడు చరణ్ అని అభిమానులు మురిసిపోతున్నారు.

సినిమాపై చాలా పాజిటివ్ ఉంది. ఐతే, రిలీజ్ డేట్ అయోమయమే ఇబ్బంది పెడుతోంది.

పెద్ది చిత్రంలో రామ్ చరణ్ సరసన జాన్వీ కపూర్ నటించింది. శివ రాజ్ కుమార్ కీలక పాత్ర పోషిస్తున్నారు.