అందరి దొంగల్లా కాదంట

‘రాబిన్ హుడ్’…దొంగతనాల నేపథ్యంలో వస్తున్న సినిమా ఇది. అప్పుడెప్పుడో వచ్చిన ‘కొండవీటి దొంగ’ సినిమా నుంచి, ఇంకా చెప్పాలంటే అంతకంటే ముందు నుంచి ఈ తరహా కథలు/సినిమాలు చూస్తూనే ఉన్నాం.  

అలాంటి రొటీన్ కథతో నితిన్ ఇప్పుడు ఫ్రెష్ గా సినిమా చేశాడు. మరి ఈ తరం ఆడియన్స్ కు దర్శకుడు వెంకీ కుడుముల ఈ కథతో ఏం చూపించబోతున్నాడు. ఇందులో ఎంత కొత్తదనం ఉంటుంది?

దీనిపై క్లియర్ గా స్పందించాడు దర్శకుడు. చెడ్డవాళ్ల నుంచి దోచుకొని, మంచివాళ్లకు పంచి పెట్టే  ‘దొంగ’ కథలు గతంలో చాలా వచ్చాయని అంగీకరించిన దర్శకుడు.. అది గుర్తుపెట్టుకొని ‘రాబిన్ హుడ్’ కథ రాశానంటున్నాడు.

‘రాబిన్ హుడ్’ కథను కేవలం దొంగ కథగా చూడొద్దంటున్నాడు కుడుముల. సినిమా మొదలైన 20 నిమిషాలకే కథ మొత్తం మారిపోతుందని, స్క్రీన్ ప్లే విషయంలో ప్రయోగాత్మకంగా వెళ్లానని చెబుతున్నాడు. నితిన్-శ్రీలీల హీరోహీరోయిన్లుగా నటించిన ఈ సినిమా, డిసెంబర్ 25న రిలీజ్ అవుతోంది.