Samantha: నాకు హీరోలు అక్కర్లేదు

సమంత (Samantha Ruth Prabhu) తాజా స్టేట్ మెంట్ ఇది. తనకు సినిమాల్లో హీరో అక్కర్లేదని అంటోంది ఈ ముద్దుగుమ్మ. దీనికి ఆమె చెప్పే లాజిక్ కూడా సహేతుకంగా ఉంది.

“నేను ఎంచుకున్న సినిమాల్లో కథే హీరో. నా దృష్టిలో మొదటి స్థానం కథకే. ఆ తర్వాతే నటీనటులు. కాబట్టి నా సినిమాల్లో కథ హీరో. నేను హీరోయిన్.”

ఇలా తన వెర్షన్ వినిపించింది సమంత. అయితే అంతర్లీనంగా చూసుకుంటే, స్టార్ హీరోల సినిమాల్లో తను నటించనని, హీరోయిన్ ప్రాధాన్యం ఉన్న సినిమాల్లో మాత్రమే నటిస్తానని ఆమె చెప్పకనే చెప్పింది.

ఓ మ్యాగజైన్ కు ఇచ్చిన ఇంటర్వ్యూలో చాలా ఆసక్తికర విశేషాలు వెల్లడించింది సమంత. ప్రస్తుతం ఈమె 25 వాట్సాప్ గ్రూపులు మెయింటైన్ చేస్తోందట. తన రోజువారీ కార్యక్రమాలు, బిజినెస్ పనులు అన్నీ వాట్సాప్ లోనే చూసుకొని, అందరి కంటే ముందే రెస్పాండ్ అవుతానని చెబుతోంది.

ఇలా బిజీ లేకుండా గడిపే సమంత, ప్రతి 3 నెలలకు ఒక్కసారి కచ్చితంగా బ్రేక్ తీసుకుంటానంటోంది. ఇషా ఫౌండేషన్ కు వెళ్లి వారం రోజులు ఏకాంతంగా గడుపుతుందంట. ఈ వారం రోజులు ఆమె ఫోన్ అస్సలు చూడదంట. జనంతో కూడా చాలా తక్కువ మాట్లాడుతుందంట.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.