Tamannaah Bhatia: మొదటిసారి ఫ్రీగా నటించిందట

Tamannaa Bhatia: తమన్నా భాటియా పెద్ద హీరోయిన్. మునుపటితో పోల్చితే ఆమె ఇప్పుడు ఎక్కువ సంపాదిస్తోంది. ఎందుకంటే ఆమె హీరోయిన్ గా తెలుగులో అత్యధిక పారితోషికం పొందిన మొత్తం.. రెండు కోట్ల రూపాయలు. కానీ ఇప్పుడు ఆమె సినిమాకి హిందీలో 5 కోట్లు తీసుకుంటోంది. అదీ కూడా నటిగా కాదు ఐటెం సాంగ్.

ఇటీవల బాలీవుడ్ లో ఆమె చేసిన ఐటెం సాంగ్స్ చాలా వైరల్ అయ్యాయి. దాంతో ఆమె పాటలకు క్రేజ్ పెరిగింది. సినిమాల్లో ఒక్క పాటలో అలా కనిపిస్తే 5 కోట్లు వస్తున్నాయి ఆమెకి.

ఆమె హీరోయిన్ గానే కాదు తెలుగులో కూడా చాలా స్పెషల్ సాంగ్స్ చేసింది. 2014లోనే అల్లుడు శీను చిత్రంలో స్పెషల్ సాంగ్ చేసినందుకు కోటి రూపాయలు దక్కించుకొంది. అలాంటి భామ మొదటిసారి ఒక సినిమాలో నటించి కూడా డబ్బులు తీసుకోలేదట.

ఇలా చెయ్యడం ఆమె కెరీర్ లో మొదటిసారి అని చెప్పాలి. విశాల్ భరద్వాజ్ తీసిన తాజా చిత్రం… ఓ రోమియో (O’Romeo). షాహిద్ కపూర్ హీరోగా నటించాడు. తృప్తి డుమ్రి హీరోయిన్ గా చేసింది. ఈ సినిమాలో చిన్న పాత్రలో తమన్నా కనిపిస్తుంది. ఈ పాత్ర కోసం ఆమె 12 రోజులు షూటింగ్ లో పాల్గొందట. అంటే ఒక ఐటెం సాంగ్ లో నటించే రోజులతో పోల్చితే ఎక్కువ రోజులు చేసింది ఈ సినిమాలో.

ఐనా కూడా విశాల్ భరద్వాజ్ సినిమాల్లో నటించాలనే ఉద్దేశంతో డబ్బులు తీసుకోకుండా ఈ పాత్ర చేసిందట.