Vaishnavi Chaitanya: తమిళ అరంగేట్రం ఖరారు

“బేబీ” చిత్రంతో మంచి గుర్తింపు తెచ్చుకున్న వైష్ణవి చైతన్య (Vaishnavi Chaitanya) ఇటీవల వార్తల్లో నిలిచింది. ఆమె తమిళంలో జివి ప్రకాశ్ కుమార్ సరసన నటించబోతున్నారనే వార్తలు చక్కర్లు కొట్టాయి. కానీ ఆమె మరో సినిమాతో తమిళంలో అరంగేట్రం చేస్తోంది.

ఒక వైపు ఆమె కొత్త చిత్రం “ఎపిక్” (Epic) తెలుగులో విడుదలకు సిద్ధం అవుతోంది. ఆ సినిమా తొలి సింగిల్ నిన్నే విడుదలైంది. ఇక ఇప్పుడు ఆమె తన మొదటి తమిళ సినిమా గురించి ఇన్ స్టాగ్రామ్ లో అప్డేట్ చేసింది.

తమిళ నటుడు ఆర్యతో కలిసి ఆమె జిమ్ లో వర్కవుట్ చేస్తున్న ఫోటోని షేర్ చేసింది. మరో హీరోయిన్ నిఖిల వర్మలతో కలిసి ఉన్న ఫోటోలను షేర్ చేస్తూ “Arya 40 is loading” అని క్యాప్షన్ పెట్టింది. సో, ఆమె మొదటి తమిళ ప్రాజెక్ట్‌పై ఇలా క్లారిటీ వచ్చింది.

“ఆర్య 40” అనే ఈ చిత్రం రొమాంటిక్ డ్రామాగా రూపొందనుంది అని సమాచారం. ఈ సినిమాతోనే వైష్ణవి చైతన్య తమిళంలో హీరోయిన్‌గా అరంగేట్రం చేయబోతోంది.