రాశి ప్రేమలు, బ్రేకప్పులు

రాశి ఖన్నా సినిమా ఇండస్ట్రీకి రాకముందు ఒక అబ్బాయితో ప్రేమలో ఉందట. ఆ తర్వాత అది బ్రేకప్ అయిందిట. సినిమాల్లోకి వచ్చాక మరో వ్యక్తిని ప్రేమించాను అని చెప్పింది రాశి ఖన్నా.

మరి ఆ మరో వ్యక్తి… హీరోనా? దర్శకుడా? ఆ విషయం చెప్పలేదు ఈ భామ.

రాశి ఖన్నా ఇప్పుడు “తెలుసు కదా” సినిమా ప్రమోషన్లలో పాల్గొంటోంది. ఈ సినిమా ఈ నెల 17న విడుదల కానుంది. ఈ సినిమా ప్రమోషన్ ఇంటర్వ్యూలలో ఈ భామ తన ప్రేమలు, బ్రేకప్పుల గురించి మనసు విప్పింది.

కాలేజ్ రోజుల్లో మొదటి ప్రేమ వికటించింది అని తెలిపింది. సినిమా ఇండస్ట్రీలో మరోసారి ప్రేమలో పడిందట.

హీరో సాయి ధరమ్ తేజ్ తో పాటు మరో ఇద్దరు హీరోలతో ఈ భామకు లింకప్ వార్తలు వచ్చాయి ఆ మధ్యలో. కానీ ఇప్పుడు ఆ పుకార్లు తగ్గాయి. ఈ 34 ఏళ్ల భామ త్వరలో ‘ఉస్తాద్ భగత్ సింగ్’లో కనిపిస్తుంది.