అల్లరి నరేష్… 2 నెలల్లో 2 చిత్రాలు
అల్లరి నరేష్ కామెడీ సినిమాల పంథా వీడి సీరియస్ పాత్రలు, సినిమాల వైపు వచ్చారు. ఐతే, విజయాల శాతం మాత్రం మిశ్రమంగా ఉంది. మొదట ఒకట్రెండు సినిమాలు వర్కువట్ అయ్యాయి. కానీ ఆ తర్వాత ఏవి సరిగా ఆడలేదు. అయినా, అటు కామెడీ చిత్రాల వైపు వెళ్లలేక ఇదే పద్దతిలో వెళ్తున్నాడు.
తాజాగా ఆయన నటించిన రెండు సినిమాలు విడుదల కానున్నాయి. అందులో ముందుగా రానున్న చిత్రం… 12 రైల్వే కాలనీ. ఈ సినిమా వచ్చే నెల 21న విడుదల కానుంది.
ఇక జనవరి 1న “ఆల్కహాల్” అనే సినిమా విడుదల కానుంది. అంటే రెండు నెలల గ్యాప్ లోనే రెండు సినిమాలు విడుదల అవుతాయి. రెండూ కూడా వైవిధ్యమైన చిత్రాలే. మరి నరేష్ కి ఈ రెండు సినిమాలతోనైనా కెరీర్ ట్రాక్ లో పడుతుందా అనేది చూడాలి.
హిట్స్, ఫ్లాప్స్ తో సంబంధం లేకుండా నరేష్ కి సినిమాలు వస్తున్నాయి. కానీ అపజయాలు పెరుగుతున్న కొద్దీ అవకాశాలు తక్కువ అయిపోతాయి. ఈ రెండు సినిమాలు విడుదల అయ్యాక అతని కెరీర్ ఎలా ఉంటుందో తెలుస్తుంది.
