తనకు రాజకీయాలకు సంబంధం లేదని ఎప్పటికప్పుడు చెబుతూనే ఉన్నాడు బండ్ల గణేశ్. అంతేకాదు..తన పాత కామెంట్స్ ను ఫ్రెష్ గా వైరల్ చేయొద్దంటూ రీసెంట్ గా రిక్వెస్ట్ కూడా చేశాడు. అయినప్పటికీ అతడి పొలిటికల్ రీఎంట్రీపై 2 రోజులుగా ఊహాగానాలు చెలరేగుతున్నాయి.
దీంతో బండ్ల మరోసారి క్లారిటీ ఇచ్చాడు. తనకు ఏ రాజకీయ పార్టీతో సంబంధం లేదని, ఎలాంటి రాజకీయాలు చేయడం లేదని మరోసారి స్పష్టంచేశాడు ఈ నటుడు కమ్ నిర్మాత.
ఇంతకీ మేటర్ ఏంటంటే.. గ్రేటర్ ఎన్నికల నేపథ్యంలో బండ్ల పొలిటికల్ రీఎంట్రీపై మరోసారి పుకార్లు ఊపందుకున్నాయి. విజయశాంతి తరహాలోనే బండ్ల కూడా కాంగ్రెస్ నుంచి బీజేపీలోకి చేరతారని, హైదరాబాద్ కేంద్రంగా రాజకీయాలు చేస్తారని ప్రచారం జరిగింది.
ఈ ప్రచారాన్ని తాజాగా బండ్ల తిప్పికొట్టాడు. తను రాజకీయాలకు శాశ్వతంగా దూరం అని చెప్పేశాడు.
2018 తెలంగాణ అసెంబ్లీ ఎన్నికలకు ముందు కాంగ్రెస్ పార్టీలో చేరాడు. “కేసీఆర్ ని ఫామ్ హౌస్ కి పంపిస్తాం… కాంగ్రెస్ దే అధికారం… అలా జరగకపొతే సెవెన్ ఓ క్లాక్ బ్లేడ్ తో గుండు కొట్టించుకుంటా,” అని తీన్మార్ వేశాడు ఈ తీన్మార్ నిర్మాత. రిజల్ట్ వచ్చాక కళ్ళు బైర్లు కమ్మి …. కేసీఆర్ ని పొగడడం మొదలుపెట్టాడు. ఇక పాలిటిక్స్ అంటేనే వణుకుతున్నాడు. అలాంటిది ఇప్పుడు GHMC ఎన్నికల కోసం బీజేపీలో చేరే బుద్ది తక్కువ ప్లాన్ వేస్తాడా?
